ئەسعەد ئیسماعیل – هەولێر
* لە یارییەكانی پاڵاوتنی ئاسیا بۆ گەیشتن بە جامی نەتەوەكانی ئاسیا، سووریا لە دوای رووخانی ڕژێمی بەشار ئەسەد یەكەمین سەركەوتنی تۆمار كرد و سووریا بە 2 گۆڵی بێوەڵام شكستی بە پاكستان هێنا، لەو یارییەدا ئەحمەد فاقە، بەرگریكاری كوردی هەڵبژاردەی سووریا كە بە رەسەن كوردە و خەڵكی قامیشلۆیە، یاریی بۆ ئایكی سویدی دەكات گۆڵێكی كرد و ئاستێكی سەرنجراكێشی پێشكەش كرد.
* دوریڤال جۆنیۆر راهێنەری هەڵبژاردەی بەرازیل: بەرپرسیاریەتی ئەم شکستە لە ئەستۆ دەگرم، نامەوێ لە بەرپرسیاریەتی رابکەم، متمانەم هەیە دەتوانین ئەم دۆخە چاک بکەینەوە، کەس چاوەڕێی ئەوەی نەدەکرد ئەم ئەنجامە رووبدات، ئەوەی پلانمان بۆی دانابوو هیچی جێبەجێنەکراو رووینەدا، هەر لە سەرەتایی یارییەکەوە ئارجێنتینا لە هەموو رووییەکەوە لە ئێمە باشتربوو، دەمەوێت داوای لیبوردن لە هاندەرانی بەرازیل بکەم، چونکە ئەوان متمانەیان بە ئێمە هەبوو لەم یارییە سەردەکەوین، بەڵام بەداخەوە رووینەدا، ئەم ئەنجامە ئازاربەخشە، هەموومان هەست بە نائومێدی دەکەین، چونکە بەرامبەر تیپێک رکابەری مێژووی ئێمەیە، دان بەوە دادەنێم دۆخی ئێستای ئێمە خراپە، پێشبینیم دەکرد ئێمە باشبین لەم یارییە چونکە کاری زۆرم لەسەر تیپەکە کردبوو، لەهەموو ساتەکانی ژیانی وەرزشیم ئەمە سەختترین ساتە تێیدام بەڵام دەرفەتێک دەدۆزینەوە بۆ دەرچوون لەم دۆخە، هەرگیز وازناهێنم هەمیشە هەوڵ دەدەم بۆ ئەوەی ئەنجامی باشترمان هەبێت.
* لیۆنێل سکالۆنی راهێنەری هەڵبژاردەی ئارجێنتینا: بردنەوەكەمان بەرامبەر بەرازیل زۆر چێژ بەخشبوو، ئەمە سەرکەوتنی یەک کەس نیە و سەرکەوتنی تەواوی تیپەکەیە، چونکە وەک تیم یاریمان کرد و توانیام یارییەکە لە بەرازیل ببەینەوە، ئەمە تاکە رێگابوو بۆ بردەوەمان، نازانم گەورەترین سەرکەوتنمانە یان نا، چونکە ئێمە یاری زۆرمان کردووە و سەرکەوتنی زۆرمان بەدەستهێناوە.
* سکالۆنی راهێنەری هەڵبژاردەی ئارجێنتینا: نیگەرانم لە هەندێک هەڵسوکەوتی رافینیا، نابێت ئەو یاریزانە بەم شێوازە قسە لەسەر ئارجێنتینا بکات بۆیە من هەرگیز نایبورم، ئێمە لە یاریگادا ئەوەی هەمانبوو پێشکەشمان کرد، ئێمە بێ لێدوان هەوڵماندا یاری بکەین و سەربكەوین، ئەم دوو یارییە بۆ ئێمە زۆر باشبوو، نەک لەبەر ئەوەی براوەبووین بەڵکو لەبەر ئاستی یاریزانەکان، بەرامبەر دوو هەڵبژاردەی بەهێز یارییەکی جوانیان پێشکەش کرد، بەرامبەر هەردوو تیپ توانیمان ناچاریان بکەین بیانهێنینە ناو ئەو پلانەی کە داماننابوو، ئەم سەرکەوتنە لەبەردەم هاندەرانمان زیاتر دڵخۆشی کردین، پیرۆزبایی لە هاندەرانی ئارجێنتینا دەكەم.
* جۆلیان ئالڤارێز هێرشبەری هەڵبژاردەی ئارجێنتینا: لیۆنێل مێسی باشترین سەركردەی ئێمەیە، ئەگەر لەم یارییە بەرامبەر بەرازیل لەگەڵ ئێمە بووایە گۆڵی زیاترمان لە بەرازیل دەكرد.
* دی پاوڵ یاریزانی هەڵبژاردەی ئارجێنتینا: بردنەوەمان لە بەرازیل یەكێك نییە لە باشترین رووداوەكانی ئەم وەرزە، بەڵكو كاتێك دەبووە یەكێك لە باشترین رووداوەكان ئەگەر ژمارە 10ـەیەكەمان لەگەڵ بووایە، چونكە ئەو باشترینی مێژووە.