مامەیارە ئەحمەد – هەولێر
دۆریڤال جۆنیۆر، راهێنەری هەڵبژاردەی بەڕازیل كورسییەكەی لەق بوو، دوای ئەوەی 1-4 گۆڵ لە یارییەكانی پاڵاوتنی مۆندیال بە ئەرژەنتین دۆڕا.
بەپێی ڕاپۆرتی مێدیاكان، لە ئێستەوە چەند جێگرەوەیەك بۆ شوێنی جۆنیۆر دانراون، بە تایبەت دۆڕانەكەی بەڕازیل بە گەورە و مێژوویی و كەموێنە دادەنرێ و بەڕازیل لە پاڵاوتنەكاندا هیچ كاتێك گۆڵێ لێ نەكراوە.
چاوەڕێ دەكرێ ئەو راهێنەری بەڕازیل بەم نزیكانە واز لە ئەركەكەی بێنێ، یان دوور بخرێتەوە، بە تایبەت كە كەوتووەتە ژێر فشارێكی زۆرەوە.
ڕۆژنامەی گلۆبۆی بەڕازیلی بڵاوی كردەوە، كە چەند ناوێك بەربژێرن بۆ جێگرتنەوەی راهێنەرەكەی بەڕازیل. لەوانە جۆرجی جیسۆسی راهێنەری یانەی هیلالی سعوودی.
جیسۆس توانی ئەنجامی باش بۆ یانەی هیلالی سعوودی بەدەست بێنێ، دوای ئەوەی خولی پیشەگەرانی سعوودیەی بۆ بەدەست هێنا بەبێ دۆڕان. هەروەها جامی خزمەتكاری حەرەمەین شەرەفەینی بردەوە، وێرای هەردوو پاڵەوانیەتیی سوپەری سعوودی.
بەپێی رۆژنامە، جیسۆس، ئێستە و ئەم وەرزە هەمان ئەنجامەكانی وەرزی ڕابردووی نییە، بۆیە زۆر جێی رەزامەندیی هاندەرانی یانە سعوودییەكە نییە.
هەروەها بۆندەكەی لە مانگی 5ی ئەمساڵ لەگەڵ یانەی هیلال كۆتایی دێ و تا ئێستەش بۆ ماوەیەكی تر بۆندەكەی نوێ نەكردووەتەوە.
ڕاپۆرتەكە باسی لەوە كردووە، كە جیسۆس پێی باشە ببێتە راهێنەری بەڕازیل، ئاماژەی بەوەش كردووە پێش دوو ساڵ هەلێكی وای لەدەست داوە، كاتێك بەربژێری ئەو ئەركە بوو، هەروەها بنەمایەكی بۆ سەركەوتن لەگەڵ بەڕازیل هەیە، بە تایبەت كە لە وەرزی 2019/2020 راهێنەری یانەی فلامینگۆی ئەو وڵاتە بوو.
وأضاف التقرير أن جيسوس نفسه قال من قبل إن تدريب البرازيل “بمثابة حلم”، ويرى أنه قد فوّت الفرصة على نفسه قبل سنتين عندما كان مرشحا للمنصب، علاوة على أنه يمتلك قاعدة من النجاح في البرازيل بما قدمه في قيادة فلامنجو موسم 2019-2020.
لەلایەكی دیكەوە رۆژنامەكە باسی لەوە كردووە، كارلۆ ئەنچیلۆتیی ئیتاڵیی راهێنەری ریاڵ مەدرید، ڕەنگە ئەگەر ریاڵ مەدرید جێ بهێڵێ، بچێتە بەڕازیل.
لە لیستەكەدا، هەریەك لە فلیپی لویس، بەرگریكاری پێشووی بەڕازیل (كە راهێنەری فلامینگۆ)ـیە و ریناتۆ جاوچۆ، كە لە راهێنەرایەتیی گریمۆ وازی هێناوە، بەربژێرن.
هەروەها ڤێرێرای راهێنەری پێشتری یانەی پالمێراس و پێپ گواردیۆلای راهێنەری مان سیتی، لە لیستی بەربژێراندان.