* ئەمڕۆ لە پرێمەرلیگ چوار یاریی دەكرێن: نۆتینگهام فۆڕێست ـ نیوكاسڵ یونایتد 17:00، تۆتێنهام ـ ئیپسویچ تاون 17:00، مانچێستەر یونایتد ـ لێستەر سیتی 17:00، چێڵسی ـ ئارسێناڵ 19:30.
* ئەمڕۆ لە لالیگای ئیسپانیا ئەم یارییانە دەكرێن: ریال بێتیس ـ سێلتا ڤیگۆ 16:00، ریال مایۆركا ـ ئاتڵێتیكۆ مەدرید 18:15، ڤایادۆلید ـ ئاتڵێتیك بلباو 20:30، خیتافی ـ جیرۆنا 20:30، ریال سۆسیداد ـ بارسێلۆنا 23:00.
* ئەمڕۆ لە سێریا ئەی ئیتاڵیا ئەم یارییانە بەڕێوە دەچن: ئاتاڵانتا ـ ئۆدێنزی 14:30، فیۆرێنتینا ـ هێلاس ڤیرۆنا 17:00، رۆما ـ بۆڵۆنیا 17:00، مۆنزا ـ لازیۆ 20:00، ئینتەر میلان ـ ناپۆلی 22:45.
* رۆژنامەی موندۆ دیپۆرتیڤۆی كەتەلۆنیا: رۆبێرت لیڤاندۆڤسكی هێرشبەری پۆڵەندی ئامادەیە لە پێناو نوێكردنەوەی گرێبەستەكەی تا 2026 مووچەكەی لەگەڵ بارسێلۆنا كەم بكاتەوە.
* رەوەند عەبدولخالق سەرپەرشتیاری كوردی تۆپی پێی یانەی ناسریە بەشێوەیەكی كاتی لە شوێنی ساهیر جەسام دەبێتە راهێنەری یانەكە بۆ ركابەرییەكانی خولی نایابی عێراق.
* لیۆنێل مێسی كاپتنی هەڵبژاردەی ئارجێنتینا بۆ خەڵاتی باشترین یاریزانی لاوی 2024 دەنگی بە لامین یامال، ئەلیخاندرۆ گاڕناچۆ و پاو كۆبارسی داوە.
* محەمەد سەڵاح ئەستێرەی میسری یانەی لیڤەرپوول بە باشترین یاریزانی مانگی رابردووی یانەكەی دەستنیشان كرا و خەڵاتێكی تایبەتیشی پێبەخشرا.
* رۆدری ناوەراستكاری یانەی مانچێستەر سیتی و هەڵبژاردەی ئیسپانیا: لیۆنێل مێسی باشترین یاریزانی مێژووی تۆپی پێیە.
* رۆژنامەی لكیپی فەرەنسا: زەینەدین زیدان و كریستیانۆ رۆناڵدۆ بۆ دەنگدان بە باشترین یاریزانی لاوی 2024 بەشدارییان لە راپرسییەكەی گۆڤاری فرانس فوبتۆڵ نەكردووە.
* كارلۆ ئانچیلۆتی راهێنەری ئیتاڵی یانەی ریال مەدرید: ئەگەر ریال مەدرید لە ئەركەكەم دوورمبخاتەوە بە یەكجاری واز لە كاری راهێنەرایەتی دەهێنم، هەرچەندە خێزانەكەم حەز دەكەم بەردەوام بم.
* فیدراسیۆنی تۆپی پێی عێراق بەهۆی دوو هۆكار بە فەرمی یانەی زاخۆ بە 30 ملیۆن دینار سزا، یەكەمیان بەهۆی ئەوەی تەلال بەلووشی راهێنەری زاخۆ ئامادەی كۆنگرەی رۆژنامەوانی دوای یارییەكەی دهۆك نەبووە، دووەمیان بەهۆی ئەو نماییشەی هاندەرانی زاخۆ پێش رووبەڕووبوونەوەی یانەی دهۆك كردیان.
* بە بەشداری 60 یانە پاڵەوانێتیی گۆڕەپان و مەیدانی عێراق لە هەردوو یاریگەی فەرەنسۆ هەریری لەگەڵ کۆلیژی پەروەردەی وەرزشیی زانکۆی سەڵاحەدین لە پایتەختی باشووری کوردستان بەڕێوە چوو، كە تێیدا زیاتر لە هەزار یاریزانی کوڕ و کچ ململانێیان لەسەر بەدەستهێنانی پلەکانی پێشەوە كرد، بەشێکیان ئەستێرەکانی هەڵبژاردەی عێراق بوون، دیارترینیان مریەم عەبدولحەمید یاریزانی بازی بەرزی یانەی پێشمەرگەی سلێمانی کە خاوەنی ریکۆردی ژمارەی پێوانەیی عێراقە لە یارییەکەدا بە بازدان بەسەر بەرزایی 181 سانتیمەتر خاوەنی ریكۆردێكی نوێیە.
زۆرترین هەواڵ بە کەمترین وشە
