گەڕێکی تری خولی فوتساڵی کچان کوردستان بەڕێوە دەچێت
ئەمڕۆ گەڕێکی تری خولی نایابی فوتساڵی کچانی کوردستان ئەنجام دەدرێت، تا ئێستە هەر یەک لە یانەکانی ئافرەتانی هەولێر لە کۆمەڵەی یەکەم و پیرەمەگرون لە کۆمەڵەی دووەم پێشەنگی یانەکانی هەردوو کۆمەڵەکەیان وەرگرتووە، لەم گەڕەدا ٣ یاری ئەنجام دەدرێن، لە گرنگترین یاریش یاری نێوان ئافرەتانی دهۆک و ئافرەتانی هەولێرە، کە یەکەم و دووەمی کۆمەڵەی یەکەمن و یاریەکە لە دهۆک ئەنجامدەدرێت.
گەڕێکی تری یاریەکان ئەنجام دەدرێت
بە ئەنجامدانی ٣ یاری گەڕی پێش کۆتایی خولی نایابی فوتساڵی کچانی کوردستان بەڕێوەدەچێت، دوکان و پیرەمەگرون کە لە کۆمەڵەی دووەم ڕکەبەری سەرکەوتن بۆ چوارگۆشەی زێڕینیان دەکرد یارییەکانیان کۆتایی پێهاتووە و بە پلەی یەکەم دووەم گەیشتونەتە قۆناغی کۆتایی، لەم گەڕەدا یاری لوتکەی نێوان ئافرتانی دهۆک و ئافرەتانی هەولێر بەڕێوەدەچێت، لەگەڵ ئەوەی یانەی ئافرەتانی هەولێر بەجیاوازی ٣ خاڵ لەپێش کچانی دهۆکە و تا ڕادەیەکی زۆر پلەی یەکەمی کۆمەڵەکەی مسۆگەر کردووە، بەڵام بەهۆی بوونی ژمارەیەکی زۆر ئەستێرە لە ناو هەردوو تیپدا، پێشبینی یاریەکی بەهێز و لوتکەی دەکرێت، لەقۆناغی یەکەمدا یانەی ئافرەتانی هەولێر بە دوو گۆڵی بێ بەرانبەر یاریەکەی بردەوە، کچانی دهۆک چاویان لەوەیە تۆڵەی خۆیان بکەنەوە و بە گڕوتینێکی زیاترەوە خۆیان بۆ قۆناغی دووەم ئامادە بکەن.
دووشەممە/ ٧/١/٢٠٢٢ کاتژمێر ٢:٣٠
ئافرەتانی دهۆک – ئافرەتانی هەولێر/ هۆڵی ئافرەتانی دهۆک
سنور -ڕەواندوز/ هۆڵی سنور
شێخان – گارە/ هۆڵی یانەی شێخان
ڕیزبەندی یانەکانی هەردوو کۆمەڵەکە بەمشێوەیەیە:
کۆمەڵەی یەکەم:
١-ئافرەتانی هەولێر ٢٤خاڵ لە ٨ یاری
٢- ئافرەتانی دهۆک ٢١ خاڵ لە ٨ یاری
٣- شێخان ١٢ خاڵ لە ٨ یاری
٤- ڕەواندوز ٩ خاڵ لە ٨ یاری
٥- سنور ٦خاڵ لە ٨ یاری
٦- گارە سفرخاڵ لە ٨ یاری
کۆمەڵەی دووەم:
١-پیرەمەگرون ٧ خاڵ لە ٣ یاری
٢- دوکان ٤ خاڵ لە ٣ یاری
٣- شێروانە سفر خاڵ لە ٢ یاری
٤- خورماڵ سفر خاڵ لە ٢ یاری
تێبینی: یارییەکانی کۆمەڵەی دووەم کۆتایی هاتووە و یانەی پیرەمەگرون بە پلەی یەکەم و یانەی دوکان بە پلەی دووەم سەرکەوتوون بۆ چوارگۆشەی زێڕین و بەرانبەر بە یانەکانی ئافرەتانی هەولێر و ئافرەتانی دهۆک یاری دەکەن.
خولی نایابی فوتساڵی کچان ئەم وەرزە بەبەشداری ١٠ یانە بەڕێوەدەچێت کە دابەشکراون بەسەر دوو کۆمەڵەدا، لەقۆناغی یەکەم یارییەکان بەشێوازی چوون و هاتن بەڕێوەدەچێت و دوو یانەی خاوەن پلەکانی یەکەم و دووەمی هەردوو کۆمەڵەکە دەگەنە چوارگۆشەی زێڕن و هەر چوار یانەکە لەچوارگۆشەی زێڕین ڕکەبەری لەسەر پاڵاوان بوونی خولەکە دەکەن.