- ئه‌مڕۆ یاریی كۆتایی جامی نه‌ته‌وه‌كانی ئه‌فریقا له نێوان هه‌ڵبژارده‌كانی سه‌نیگال و میسر له كاتژمێر 10:00ـی شه‌و به‌ڕێوه بچێت.
- ئه‌مڕۆ له قۆناخی دووه‌می مۆندیالی یانه‌كان كه له وڵاتی ئیمارات به‌ڕێوه‌ده‌چێت، یانه‌ی هیلالی سعوودی و جه‌زیره‌ی ئیماراتی له كاتژمێر 07:30ـی ئێواره به‌یه‌ك بگه‌ن.
- ئه‌مڕۆ یه‌كشه‌ممه له لالیگای ئیسپانیا ئه‌م یارییانه ده‌كرێن: ڤالێنسیا ـ ریال سوسیداد 16:00، بارسێلۆنا ئاتڵێتیكۆ مه‌درید 18:15، ریال بێتیس ـ ڤیاریال 20:30، ریال مه‌درید ـ گرنادا 23:00.
- ئه‌مڕۆ له خولی پله‌یه‌كی ئیتاڵیا سێریا ئه‌ی: ئاتاڵانتا ـ كالیاری 14:30، سامپدۆریا ـ ساسولۆ 17:00، ڤینیزیا ـ ناپۆلی 17:00، بۆلۆنیا ـ ئیمپۆلی 17:00، ئۆدێنزی ـ تۆرینۆ 20:00، یوڤێنتۆس ـ هێلاس ڤیرۆنا 22:45.
- ئه‌مڕۆ یه‌كشه‌ممه له خولی پله‌یه‌كی ئه‌ڵمانیا (بۆندزلیگا): بوروسیا دۆرتمۆند ـ بایر لیڤه‌ركووزن 17:30، ڤۆڵسفبێرگ ـ گرویتر فورت 19:30.
- ئه‌مڕۆ له خولی پله‌یه‌كی فه‌ره‌نسا (لیگ وه‌ن): لۆریان ـ لانس 15:00، تروا ـ میتز 17:00، ستاد ریمس ـ بۆردۆ 17:00، ستراسبێرگ ـ نانت 17:00، لیل ـ پاریس سانجێرمان 22:45.
- ئه‌مڕۆ یه‌كشه‌ممه له جامی ئیتیحادی ئینگلیزی ئه‌م یارییانه ده‌كرێن: لیڤه‌رپوول ـ كاردیف سیتی 15:00، نۆتینگهام فۆرست ـ لێسته‌ر سیتی 19:00، بۆرنموس ـ بورام وود 21:30.
- به فه‌رمی چاڤی هێرناندێز بۆ یارییه‌كه‌ی ئه‌مرۆی بارسێلۆنا به‌رامبه‌ر ئاتڵێتیكۆ مه‌درید بانگهێشتی هه‌ریه‌كه له ئاداما تراورێ، ئۆبامیانگ و عوسمان دێمبلی كردووه.
- چاڤی هێرناندێز راهێنه‌ری بارسێلۆنا: له‌گه‌ڵ عوسمان دێمبلی كۆبووینه‌ته‌وه و ئێستا دۆخه‌كه گۆڕاوه و بۆ یارییه‌كه‌ی ئه‌مڕۆ بانگهێشتم كردووه و پێویسته پشتی پێببه‌ستم و یارمه‌تیمان بدات.
- مارتن برایسوه‌یت هێرشبه‌ری یانه‌ی بارسێلۆنا: به هاتنی هێرشبه‌ره نوێیه‌كان ترسم له پێگه‌ی خۆم نییه، چونكه هاتنی ئه‌م یاریزانانه رووحی زیاتری ركابه‌ری به من ده‌به‌خشێت و به‌سوود بۆ پێكهاته‌ی یانه‌كه‌ش ده‌شكێته‌وه.
- رۆژنامه‌ی ماركا: بۆ یارییه‌كه‌ی ئه‌مڕۆی ریال مه‌درید به‌رامبه‌ر گرانادا، كه‌ریم بێنزێما، ڤینسیۆس جۆنیۆرۆ و مێندی به‌شداریی ناكه‌ن.
- تۆماس توخێل راهێنه‌ری یانه‌ی چێڵسی تووشی ڤایرۆسی كۆرۆنا بووه و ناتوانێت بۆ یاریی داهاتووی یانه‌كه‌ی بێته نێو یاریگه و له‌سه‌رهێڵ بووه‌ستێت.
- یۆرگن كڵۆپ راهێنه‌ری لیڤه‌رپوول: گه‌یشتنی محه‌مه‌د سه‌ڵاح و سادیۆ مانێ بۆ یاریی كۆتایی جامی ئه‌فریقا ده‌ستكه‌وتێكی مه‌زنه، هه‌روه‌ها نابی كیتاش ئاستێكی زۆر به‌رزی له‌و پاڵه‌وانییه‌تییه هه‌بوو، به‌ڵام به‌داخه‌وه به‌هۆی كه‌ڵه‌كه‌بوونی كارته‌كانی نه‌یتوانی زیاتر یارمه‌تی هه‌ڵبژارده‌كه‌ی بدات و ده‌ركران.
- یۆرگن كڵۆپ: به دڵنیاییه‌وه له چه‌ند رۆژی رابردوو یاریزانه‌كان محه‌مه‌د سه‌ڵاح و سادیۆ مانێ ده‌گه‌ڕێنه‌وه یه‌كێكیان دڵخۆش ده‌بێت و ئه‌وی دیكه‌یان دڵته‌نگ ده‌بێت، هه‌رچه‌نده ئه‌مه تۆپی پێیه و پێویسته قبوڵی بكه‌یت و هه‌لێكی گه‌وره له‌به‌رده‌م یاریزانانی لیڤه‌رپوول هه‌یه تاوه‌كو ناسناوێكی مه‌زن بباته‌وه.
- یۆرگن كڵۆپ: گرێبه‌ستمان له‌گه‌ڵ لویس دیاز كرد، چونكه هه‌موو شتێكی ئه‌و یاریزانه‌مان خۆشده‌وێت، هه‌رچه‌نده خێرایی زۆر نییه، به‌ڵام خاوه‌ن كۆمه‌ڵێك تایبه‌تمه‌ندی زۆر باشه كه ده‌توانێت یارمه‌تی یانه‌كه‌مان بدات.
زۆرترین هەواڵ بە کەمترین وشە
