- فیدراسیۆنی تۆپی پێی كوردستان، بڕیاری دا به‌هۆی پێشبینیكردنه‌كانی كه‌شوهه‌وا، سه‌رجه‌م یارییه‌كانی گه‌ڕی یه‌كه‌می قۆناخی دووه‌می خولی نایابی تۆپی پێی كوردستان له رۆژی چوارشه‌ممه‌ی داهاتوو به‌ڕێوه بچێت.
- سه‌رجه‌م یارییه‌كانی گه‌ڕی داهاتووی خولی پله‌یه‌كی تۆپی پێی كوردستان له رۆژی سێشه‌ممه‌ی داهاتوو به‌ڕێوه‌ده‌چێت.
- ئه‌مڕۆ یه‌كشه‌ممه له قۆناخی شازده‌ی جامی نه‌ته‌وه‌كانی ئه‌فریقیا: بۆركینا فاسۆ ـ گابۆن 19:00، نێجیریا ـ توونس 22:00.
- ئه‌مڕۆ یه‌كشه‌ممه له گه‌ڕی 23ـه‌می پرێمه‌رلیگ ئه‌م یارییانه ده‌كرێن: كریستاڵ پاڵاس ـ لیڤه‌رپوول 17:00، لێسته‌ر سیتی ـ برایتۆن 17:00، ئارسێناڵ ـ بێرنلی 17:00، چێڵسی ـ تۆتێنهام 19:30.
- ئه‌مڕۆ یه‌كشه‌ممه له لالیگای ئیسپانیا ئه‌م یارییانه ده‌كرێن: گرنادا ـ ئۆساسونا 16:00، ریال مه‌درید ـ ئێڵچی 18:15، ریال سوسیداد ـ خیتافی 20:30، رایو ڤاییكانۆ ـ ئاتڵێتیك بلبلو 20:30، دیپۆرتیڤۆ ئالاڤێس ـ بارسێلۆنا 23:00.
- ئه‌مڕۆ یه‌كشه‌ممه له خولی پله‌یه‌كی ئیتاڵیا (سێریا ئه‌ی): كالیاری ـ فیۆرێنتینا 14:30، تۆرینۆ ـ ساسولۆ 17:00، ناپۆلی ـ سالێرنیتانا 17:00، ئیمپۆلی ـ رۆما 20:00، میلان ـ یوڤێنتۆس 22:45.
- ئه‌مڕۆ یه‌كشه‌ممه له بۆندزلیگای ئه‌ڵمانیا دوو یاری ده‌كرێن: (لایپزیگ ـ فۆڵفسبێرگ 17:30، هێرتا به‌رلین ـ بایرن میونشن 19:30.
- ئه‌مڕۆ له خولی پله‌یه‌كی فه‌ره‌نسا (لیگ وه‌ن) ئه‌م یارییانه ده‌كرێن: (بۆردۆ ـ ستراسبێرگ 17:00، نانت ـ لۆریان 17:00، مۆنپێلی ـ مۆناكۆ 19:05، پاریس سانجێرمان ـ ستاد ریمس 22:45.
- به فه‌رمی لیۆنێل مێسی بانگهێشتی یارییه‌كه‌ی ئه‌مشه‌وی پاریس سانجێرمان به‌رامبه‌ر ستاد ریمس كراوه كه ئه‌مه ده‌بێته یه‌كه‌مین یاریی لیۆ له ساڵی 2022.
- پێلێ ئه‌فسانه‌ی به‌رازیلی، بۆ ماوەی دوو رۆژ لە نەخۆشخانەیەکی بەرازیل مایەوە بە مەبەستی وەرگرتنی چارەسەری نەخۆشیەکەی کە شێرپەنجەیە، لە ماوەی ئەم دوو رۆژە ئەفسانە بەرازیلیەکە پشکنینی پێویستی بۆ کرا لەو شوێنەی کە تیایدا تووشی شێرپەنجە بووە بۆ ئەوەی دڵنیابێت لەوەی کە شێرپەنچەکە تا چەند لە جەستەی بڵاو بووەتەوە. به‌وپێیه‌ی پێلێ لە جەرگی تووشی شێرپەنجە بووەو و بەردەوام لەژێر چاودێری پزیشکدایە و چارەسەری کیمیایی وەردەگرێت.
- مۆشکات زه‌هرا سافی، خانمه تێنسزانێكی 17 ساڵانەکەی خەڵکی رۆژهەڵاتی کوردستانی ئێرانه، دوای بەشداری کردنی لە پاڵەوانییەتی جیهانی کازاخستان کە لەسەر ئاستی لاوان بەڕێوەچوو، توانی بگاتە قۆناخی کۆتایی و ناسناوەکەی بەدەستهێناوە و دوای بەدەستهێنانی ناسناوەکەش، تاوەکو پلەی 74 ریزبەندی جیهانی لاوان سەرکەوت و بووە یەکەم خانمە تێنسزان لەسەر ئاستی ئێران بۆ جاری یەکەم لە ریزبەندی 100 تێنسزانی جیهان بێت. مۆشکات ئێستا خەریکی ئامادەکارییە بۆ بەشداری کردن لە پاڵەوانییەتی گراندسلامی لاوانی ئوسترالیا، کە بریارە چوارشەممەی ئەم هەفتەیە پاڵەوانتییەکە بەڕێوەبچێت.
زۆرترین هەواڵ بە کەمترین وشە
