ئەمرۆ پێنجشەممە رێکەوتی 27.2.2025 بە ئامادەبوونی ئومێد خۆشناو پارێزگاری هەولێرو دکتۆر هێمن میرانی بەرێوەبەری گشتی دیوانی وەزارەتی ناوخۆو سروە رەسول بەرێوەبەری ناوەندی هاوبەشی هەماهەنگی قەیرانەکان و ناز جەلال بەڕێوەبەری کۆچ و کۆچبەران و وەڵامدانەوەی قەیرانەکان لە پارێزگای هەولێر، و مامۆستایانی زانکۆ و قوتابیان، رێ و رەسمێک سەبارەت بە راگەیاندنی هەڵمەتی هۆشیارکردنەوەی سەنتەری راوێژکاری کۆچ لە دامەزراوە پەروەردەییەکان، لەلایەن ناوەندی هاوبەشی هەماهەنگی قەیرانەکانی وەزارەتی ناوخۆ بە هاوبەشی لەگەڵ سەنتەری نێودەوڵەتی بۆ پەرەپێدانی کۆچ و زانکۆی سەلاحەددین، بە هاوکاری کۆچی نەرویجی و وەزارەتی دادی نەرویجی بەرێوەچوو….
دامەزراندنی ئەم سەنتەرە راوێژکاریە بەشێکی گرنگ دەبێ لە هەرێمی کوردستان بۆ هۆشیارکردنەوەی چین و توێژەکان لە مەترسییەکانی کۆچی نایاسایی، هاوکات هاوکار دەبێت لە ڕێگەی سازدانی خولی ڕاهێنانی پیشەییەوە، رێنمایی پێشکەش بکات، جگە لە خستنەرووی ڕاوێژ لە چەندین بواری تایبەت بە پرسی کۆچ ….