نەخۆشخانەی گشتیی هێتیت دەکەوێتە ناحیەی دێرەلوکی قەزای ئامێدیی پارێزگای دهۆک، لەسەر ئەرکی کابینەی نۆیەمی حکومەتی هەرێمی کوردستان دروست کرا.
نەخۆشخانەکە لەسەر ڕووبەری 43 هەزار مەتر دووجا و بە گوژمەی 43 ملیۆن دۆلار دروست کراوە، پسپۆڕ و ئامێری ستانداردی جیهانیی بۆ دابین کراوە.
زیاتر لە 250 هەزار هاووڵاتیی سنووری ئامێدی سوودی لێ دەبینن.
نەخۆشخانەی هێتیت لە 100 تەخت، 6 ژووری نەشتەرگەریی گەورە و بچووک، خزمەتگوزاریی سەرەتایی، فریاکەوتنی خێرا، شوشتنی گورچیلە، تیشکی مەمک، سۆنار، تاقیگە، منداڵبوون، چاودێریی منداڵی تازەلەدایکبوو، چاودێریی چڕ، وردبینی، نازۆر، چارەسەری سروشتی و فرۆشگا پێک دێت و بە زووترین کات دەچێتە خزمەت هاووڵاتییان.
فەرمانگەی میدیا و زانیاری