ئەمرۆ یه‌كشەممە رێکەوتی 9.2.2025 ئومێد خۆشناو پارێزگاری هەولێر، بە ئامادەبوونی مه‌سعود كاره‌ش جێگری پارێزگارو کارزان عەبدولهادی، سەرۆکی شارەوانی هەولێر، ژمارەیەک لە ئەندازیارانی شارەوانی، پرۆژه‌ی نۆژەنکردنەوەو قیرتاوكردنی چه‌ند شه‌قامێكی له گه‌ره‌كی شۆرش كرده‌وه…
پارێزگاری هەولێر لە بارەی قیرتاوكردنی گەرەکی شۆرش شه‌قامه‌كانی سورچیان وێرای پیرۆزبایی كردن له دانیشتوانی گه‌ره‌ك رایگەیاند، كه حكومه‌تی هه‌رێمی كوردستان سه‌رباری قه‌یرانی دارایی و ئه‌و ئاسته‌نگانه‌ی دروستی ده‌كه‌ن، له‌سه‌ر پرۆسه‌ی قیرتاوكردن به‌رده‌وام ده‌بێت، ئه‌م قیرتاوكردنی ئه‌م شه‌قامانه‌ش كاریگەرییەكی باشی لەسەر بەرزكردنەوەی ئاستی خزمەتگوزارییەكانی دەبێت بە تایبەتی لە ڕووی شەقامسازی و ئاسانكاریی هاتوچۆوە.
شایه‌نی ئاماژه بۆكردنه پرۆژەی نۆژەنکردنەوەو قیرتاوكردنی دوو شەقامی ناوخۆ لەگەرەکی شۆرش نزیک بازاری سورچیان گوژمەی پرۆژە ٢٢٠٥٠٠٠٠٠ دوو سەدو بیست ملیۆن و نیو لەسەر گوژمەی سەرباری پارێزگای هه‌ولێر جێبه‌جێكرا.