پیرۆزبایی بەشی ڕۆشنبیری و ڕاگەیاندنی پارتی دیموکراتی کوردستان بە بۆنەی(٦١)ەمین ساڵیادی دامەزراندنی ئێزگەی دەنگی کوردستان
بەڕێزان/ بەڕێوەبەر و ستافی بەڕێوەبردن و هونەرکاران لە ئێزگەی دەنگی کوردستان
لەبیرەوەری (٦١)ەمین ساڵیادی دامەزراندنی ئێزگەی دەنگی کوردستان، پیرۆزباییەکی گەرم لە ئێوەی هێژا و بیسەرانی ئازیزی ئێزگەکە دەکەین، دەستخۆشی لە کار و چالاکییەکانتان دەکەین، هیواخوازین بۆ ساڵی داهاتوو لە هەموو ڕوویەکەوە پــتر بەرەو پێش بچن.
ئەمساڵ، لەکاتێکدا پیرۆزبایی دامەزراندنتان لێ دەکەین، یادەکە ئاوێتەیە بە بانگەشەی لیستی 19٠ی پارتیمان و هەڵمەتی بێ وچانتان لەم پێناوەدا دەمانباتەوە یادگارییەکانی ڕۆژانی پیرۆزی خەبات و تێکۆشان لە پێناوی ئەوەی ئەمڕۆ بەدیهاتووە.
ئێزگەی دەنگی کوردستان کە بەبڕیاری(بارزانیی نەمر) دامەزرا، دەستکەوتێکی دیکەی نێو بواری ڕۆژنامەوانی و بزووتنەوەی ڕزگاریخوازیی گەلەکەمانە، هەروەها قوتابخانەیەکی پێگەیاندنی کادیر و ڕۆژنامەوانانی بواری میدیا و ڕاگەیاندنە. لەسەرینی ئەمەوە ڕۆڵ و کاریگەری ئەم کەناڵە ڕادیۆییە وەک هەمیشە بایەخدار و گرنگە بۆ پێشخستن و خزمەتکردنی بزاڤی میدیایی.
ئێزگەی دەنگی کوردستان، وەک ئێزگەیەکی خاوەن ئەزموون، هەمیشە سەکۆ و دەنگێکی ڕاستەقینە بووە و گوزارشتی لە خواست و ویستی خەڵک و پێکهاتە جیاجیاکانی کۆمەڵگەکەمان کردووە و پیشەییانە و بەرپرسانە مامەڵەی لەگەڵ هەواڵ و ڕووداوەکان کردووە.
بەشی ڕۆشنبیری و ڕاگەیاندنی پارتی دیموکراتی کوردستان