ئێواره‌ى ئه‌مڕۆ سێشه‌ممه 2024/7/30 به‌ڕێز نێچيرڤان بارزانى، سه‌رۆكى هه‌رێمى كوردستان، به ياوه‌ريى شاندێكى باڵا، له تاران له‌گه‌ڵ سه‌ركرده و به‌رپرسانى باڵاى ديكه‌ى وڵاتانى بانگهێشتكراو، به‌شدارى له ڕێوڕه‌سمى سوێندخواردن و ده‌ستبه‌كاربوونى به‌ڕێز مه‌سعوود پزيشكيان سه‌رۆكى كۆمارى ئيسلاميى ئێراندا كرد كه له ئه‌نجومه‌نى شووراى ئيسلامى به‌ڕێوه‌چوو.
شاندى ياوه‌رى سه‌رۆك نێچيرڤان بارزانى له به‌ڕێزان شێخ جه‌عفه‌ر شێخ مسته‌فا جێگرى سه‌رۆكى هه‌رێمى كوردستان، ڕێبه‌ر ئه‌حمه‌د وه‌زيرى ناوخۆى حكوومه‌تى هه‌رێمى كوردستان و فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان پێكهاتبوو كه به بانگهێشتى فه‌رميى كۆمارى ئيسلاميى ئێران بۆ به‌شدارى له‌و ڕێوره‌سمه‌دا نيوه‌ڕۆى ئه‌مڕۆ گه‌يشتبوونه تاران.