ئەمڕۆ دووشەممە 23ـی ئۆکتۆبەری 2023، مەسرور بارزانی، سەرۆکوەزیرانی هەرێمی کوردستان و د.ئیبراهیم ساڵح، سەرۆکی کۆنگرەی نەتەوەیی کورد لە باکووری ئەمەریکا (KNC) کۆبوونەوە.
لەو دیدارەدا، سەرۆکوەزیران و د. ئیبراهیم ساڵح بیروڕایان دەربارەی کار و پڕۆژە و چالاکییەکانی کۆنگرەی نەتەوەیی کورد و رەوەندی کوردستانی لە باکووری ئەمەریکا بەگشتی ئاڵوگۆڕ کرد.
هەردوولا جەختیان لە یەکخستنی هێز و تواناکانی رەوەندی کوردستانی لە پێناو داکۆکیکردن لە مافە رەواکانی گەلی کوردستان کرد.