مەسرور بارزانی سه‌رۆكى حکومەتی هه‌رێمى كوردستان، پێشوازى له مار گۆرگیسى سێهەم یۆنان، پاتریارکی نوێى کەنیسەی رۆژهەڵاتیی کۆن و شاندێكى یاوەری کرد.
ئه‌مڕۆ شەممە، 24ی حوزەیرانی 2023، لە دیدارەکەدا، مەسرور بارزانی سه‌رۆكى حکومەتی هه‌رێمى كوردستان، پیرۆزبایی لە پاتریارکی نوێى کەنیسەی رۆژهەڵاتیی کۆن کرد، بە بۆنەی دەستبەکاربوونی و هیوای سەرکەوتنی بۆ خواست و پشتیوانیی حکومەتی هەرێمیشی بۆ پەرەپێدانی بەیەکەوەژیانی ئاشتییانەی نێوان پێکهاتە جیاوازەکانی هەرێمی کوردستان دووپات کردەوە.
لای خۆیەوە پاتریارکی کەنیسەی رۆژهەڵاتی کۆن، ستایشی پێشکەوتن و ئاوەدانیی و دۆخی ئازادیی ئایینی و پاراستنی مافی کریستیانەکانی لە هەرێمی کوردستان کرد و سوپاس و پێزانینی خۆی بۆ پشتگیریی بەردەوامی حکومەتی هەرێم لە کریستیانەکان دەربڕی.