ئەمڕۆ شەممە 24/6/2023، مەسرور بارزانی هەرێمی کوردستان، بەردی بناغەی بەنداوی بەستۆڕەی لە سنووری پارێزگای هەولێر دانا و لە وتارێکدا سەرۆکی حکومەت رایگەیاند: وەک بەشێک لە پلانی ستراتیژی حکومەتی هەرێم بۆ دابینکردنی ئاسایشی خۆراک بڕیارمانداوە چەندین بەنداو بە جۆری جیاواز لە شوێنە جیاجیاکانی کوردستان دروستبکەین.
سەرۆکی حکومەت ئاماژەی بەوەشدا، دوای تەواوبوونیان ئەو بەنداوانە سوود و گرنگیەکی زۆریان دەبێت بۆ پێشخستنی کشتوکاڵی، هەروەها بەشێک لە بەنداوە گەورەکان دەتوانن وزەش بەرهەم بهێنن.
مەسرور بارزانی، راشیگەیاند، دروستکردنی ئەو بەنداوانە کاریگەری زۆریان دەبێت بۆ پەرەپێدانی گەشتوگواز، بەتایبەتی بۆ خەڵکی ئەو ناوچانە.
سەرۆکی حکومەت، ئەوەشی خستەڕوو، هەندێک لە بەنداوەکانی هەرێمی کوردستان تەنیا سوودیان بۆ کوردستان نەبووە، وەکو بەنداوەکانی دوکان و دەربەندیخان کە سوودیان بۆ ناوچەکانی دیکەی عێراقیش هەبووە، بۆیە ئێمە چاوەرێی ئەوەین حکومەتی عێراق یارمەتیدەر بێت لە نۆژەنکردنەوە و دروستکردنی بەنداوەکان.
درێژیی بەنداوی بەستۆڕە لە خوارەوە زیاتر لە 300 مەترە و لە بەشی سەرەوە 600 مەترە، هەروەها بەرزی بەنداوەکەش 30 مەتر دەبێت و توانای گلدانەوەی 20 ملیۆن مەتری سێجا ئاوی هەیە.
بەگوێرەی گرێبەستەکە دەبێت لە ماوەی ساڵێکدا بەندوی بەستۆڕە تەواو بکرێت، کە تەواوی ستافی دروستکردنی پڕۆژەکە هەموو ئەنداز و کرێکارانی ناوخۆی هەرێمی کوردستانن.
بەنداوی بەستۆڕە جیا لە ئامانجی پاراوکردنی ئاوی ژێرزەوی هەولێر، بۆ کەرتی گەشتوگوزار و سامانی ماسی سوودی لێوەردەگیرێت.