د. سالار عوسمان
ڕاستە هەڵبژاردن و ڕێککەوتن دوو چەمکی لێکجیان، بەڵام بۆ ئێمەی کورد دوو چەمک و دوو بابەتی پێوەنداریشن پێکەوە.
زۆربەی جارەکان، کە قسە و باس دێتە سەر هەڵبژاردن، کورد لە نێوخۆیاندا ناتەبا و دڕدۆنگ بەرخورد دەگەڵ ئەم پرسە هەستیارەدا دەکەن، پرسێک، کە نە یاسا ڕێ دەدات ساردیی تێدا بکەین و نە کۆمەڵگەی نێودەوڵەتییش لێدەگەڕێ ئەم قەوارەیە دووچاری گرفتی بۆشایی قانوونی بێتەوە.
کـــورد لـــە دوای ڕاپەڕینە مەزنەکـــەی بەهاری ســـاڵی ١99١، زوو و زۆر باش چـــووە نێو پرۆســـەی هەڵبژاردنەوە، هەرچەندە ئـــەوکات لە لایەن (یەکێتیـــی نیشـــتیمانی)یەوە ئەنجامەکەی وەک خـــۆی قبووڵ نەکرا، لێ توانرا بە ڕێککەوتن و ســـازان ئەم قۆناغە تێپەڕێنرێت، کەواتە، لەوســـاوە ئێمـــە گرفتێکی قووڵمـــان هەیە، کە گرفتـــی قبووڵنەکردنی هەڵبژاردن و لە بەرامبەریشدا چارەســـەرێکمان هەیە، کە پێی دەگوترێت، ڕێککەوتن و سازان!.
قسە لەسەر ئەوە نییە، کە ئاخۆ ئەم ڕێککەوتن و سازانە باشە یان خراپ، کە ئاخۆ ئەم چارەســـەرە دیموکراسییانەیە یان نا، کە لەوانەیە بەندەیش قســـە و ڕا و بۆچوونـــی تایبەتی خۆم هەبێ دەرهـــەق بەم بوار و بابەتە، بەڵام هەڵیدەگرین بۆ کاتێکی دیکە، ئێســـتا قسە لەسەر ئەوەیە، کە کورد لە ئەنجامدانی یەکەم پرۆســـەی هەڵبژاردنەوە تا ئێستا، هەم هەڵبژاردنی کردووە و هەم لەگەڵیشـــیدا ڕێککەوتن، کە دەکرێ لەم قۆناغەیشدا هەر وا بکات، بەڵام کام ڕێککەوتن و چۆن و بە چ تێگەیشـــتنێک؟!… ئا ئەمەیە گرفتە قووڵەکە.
بێگومان ڕێککەوتن لەسەر موشتەرەکات، لەسەر دەستپێوەگرتنی کۆڵەگە و بنەماکانی قەوارەی سیاسی و پاراستی هەرێمی کوردستان و دەسکەوتە شەرعییەکانی، زۆر زەروورن و وەک دەرمان وایە بۆ دەوا و دەرد، بەڵام، لەگەڵ هەموو ئەمانەدا، دەبێ هەر حزبەیش لەبەدەم ڕاستیی ڕێژەی دەنگی خۆی دابنرێت و ئەنجامەکەی قبووڵ بێت!..