پەیامی پیرۆزبایی بەشی ڕۆشنبیری و ڕاگەیاندنی پارتی دیموکراتی کوردستان بەبۆنەی (٢٩) یەمین ساڵوەگەڕی دەرچوونی گۆڤاری(گوڵان)
بەڕێز فەرهاد محەممەد سەرنووسەری گۆڤاری گوڵان.
بەڕێزان ستافی ئازیزی گۆڤاری (گوڵان).
بەبۆنەی (٢٩) یەمین ساڵیادی دەرچوونی گوڤاری گوڵان، گەرمترین پیرۆزبایی لە ئێوەی ماندوونەناس و نووسەر و خوێنەرانی گۆڤارەکەتان دەکەین و، هیوای بەردەوامی و سەرکەوتنی زیاترتان بۆ دەخوازین.
گۆڤاری (گوڵان) بە دەستکەوتێکی گرنگی بواری ڕۆژنامەگەریمان دادەنرێ، ڕۆڵ و جێدەستی لە ڕەوتی رۆژنامەگەریی و میدیادا ڕوون و بەرچاوە و نکوڵی لە کار و هەنگاوەکانی ناکرێ، هەروەها سەکۆیەکی بەرفراوان و هەمەڕەنگی نووسەران و توێژەران و سیاسەتوانان و ئەکادیمیستانە.
گۆڤاری(گوڵان) خاوەن ئەزموونێکی تایبەتە و بە پێی پلان و بەرنامەیەکی ڕێکوپێک، سەرکەوتوانە توانیویەتی جێگەی شایستەی خۆی لە گۆڕەپانی ڕۆژنامەگەریی کوردیدا بگرێت، بە پەیڕەوکردنی بنەما و ڕێنماییە ڕاست و دروستەکانی ڕۆژنامەوانی.
لەلایەکی ترەوە وەک هەفتەنامەیەکی سیاسی و گشتی خاوەن مۆرکێکی ڕەسەن و ڕاستگۆییانە بووە و هەردەم لە هەڵکشان و داهێنان و نوێبوونەوە دابووە لە ڕووی شیکردنەوە و لێکدانەوەی دیاردە و ڕووداوەکانی ڕۆژ و گرنگی دان بە پرسە نەتەوەیی و نیشتیمانییەکان.
لەم یادەدا وێڕای پیرۆزباییمان، پشتیوانیی خۆمان بۆ بەردەوامبوون و زیاتر بەرەوپێشچوونی گۆڤارەکە دووپات دەکەینەوە و دەستی کار و ئەرک و ماندووبوونتان دەگوشین، هیوادارین بۆ ساڵی داهاتوو لە هەموو ڕوویەکەوە پێشبکەون.
هەر سەرکەوتووبن.
بەشی ڕۆشنبیری و ڕاگەیاندنی
پارتی دیموکراتی کوردستان
٢٢ـی ٤ـی٢٠٢٣