کەمێک پێش ئێستا؛ فڕۆکە جەنگییەکان بارەگاکانی پەکەکەیان لە سنووری ناحییەی شیلادزێ بۆردومان کرد، تاوەکو ئێستا هیچ لایەنێک بەرپرسیارییەتی خۆی لە بۆردومانەکە ڕانەگەیاندووە.
کاتژمێر 05:30ـی ئێوارەی ئەمڕۆ هەینی 16ـی 12ـی 2022 بارەگاکانی پەکەکە لە چیای کورەژاری لە سنووری ناحییەی شیلادزێ بۆردومان کران.
ڕاشیگەیاند: دەنگێکی بەهێز بەهۆی بۆردومانەکە بیستراوە و بۆ ماوەیەکیش هاتووچۆی فڕۆکە بەسەر ئاسمانی ناوچەکە بەردەوام بووە.
پەیامنێرمان ئاماژەی بەوەش دا کە تاوەکو ئێستا زەرەر و زیانەکان لە ئەنجامی ئەو بۆردومانە نەزانراوە، هەرچەندە ئەو شوێنە چیایە و بەهۆی بۆردومانەکانی ئەم دواییە هاتووچۆ لە ناوچەکە کەم بووە و چۆڵ کراوە.