4 تیرۆریستی داعش لە حەمرین کوژران
شانەی ڕاگەیاندنی ئەمنی عێراق ئەمڕۆ شەممە 10ـی 09ـی 2022 کوژرانی چوار تیرۆریستی داعشیان لە کەناری دەریاچەی حەمرین ڕاگەیاند.
لە ڕاگەیەنراوێک شانەی ڕاگەیاندنی ئەمنی عێراق ڕایگەیاند: لە کەناری دەریاچەی حەمرین لە سنووری پارێزگای دیالە، هێزەکانمان دوو هێرشی ئاسمانیان بە فڕۆکەی F-16 ئەنجام دا.
ڕاشیگەیاند: لە ئەنجامی ئەو هێرشەدا 3 ئەندامی تیرۆریستانی داعش کوژران.
ئاماژەی بەوەش دا کە پاشان دەست بە پشکنینی ئەو شوێنانە کرا و توانرا چوارەم تیرۆریست بکوژرێت، هەروەها دەستیش بەسەر 3 ماتۆڕسکیل و ژمارەیەک ئامێری تەقینەوەی چێنراودا گیرا.