نێچیرڤان بارزانی سەرەخۆشی لە خانەوادەی وەزیری پێشووتری ڕۆشنبیری عێراق دەکات
سەرۆکی هەرێمی کوردستان ئەمڕۆ هەینی پەیامێکی سەرەخۆشی ئاراستەی خانەوادەی وەزیری پێشووتری ڕۆشنبیری عێراق کرد.
نێچیرڤان بارزانی لە پەیامەکەیدا نووسیویەتی “بە خەم و پەژارەیەکی زۆرەوە هەواڵی کۆچی دوایی شوێنەوارناس و وەزیری پێشووتری ڕۆشنبیری عیراق د.عەبدولئەمیر ئەلحەمدانیم پێگەیشت، کەسایەتییەکی دڵسۆزی نیشتمانی و زانستیمان لەدەستدا.”
هەروەها نووسیویەتی “هاوخەمی قووڵم، ئاراستەی بنەماڵەکەی و کۆمەڵەی زانستی و ڕۆشنبیران دەکەم.”
نێچیرڤان بارزانی لە پەیامەکەیدا دەشڵێت “داواکارم لە خودا کۆچکردوو بخاتە بەر ڕەحمەتی خۆی و خۆڕاگری و ئارامیش بە کەسوکارەکەی ببەخشێت.”