ده‌زگای مینی سه‌ر به حكومه‌تی هه‌رێمی كوردستان ئاشكرای ده‌كات، قۆناغه‌كانی هه‌ڵگرتنه‌وه‌ی مین له ساڵی 2003ـه‌وه دستیپێكرد، تا ئێستاش به‌رده‌وامه.
جه‌بار مسته‌فا ره‌سوڵ، سه‌رۆكی ده‌زگای مین رایگه‌یاند، به چه‌ندین قۆناغ ده‌ستكراوه به پاككردنه‌وه و هه‌ڵگرتنه‌وه‌ی مینی سه‌رده‌مانی ناكۆكییه‌كانی به‌غدا و بزووتنه‌وه‌ی رزگاریخوازی كورد، جه‌نگی 8 ساڵه‌ی ئێران – عێراق و شه‌ڕی رووبه‌ڕووبوونه‌وه‌ی داعش.
سه‌رۆكی ده‌زگای مین روونیكرده‌وه، 776 كیلۆمه‌ترچوارگۆشه مینی چێندراو له كوردستان هه‌بوو، حكومه‌تی هه‌رێمی كوردستان به‌هاوكاری رێكخراوه نێوده‌وڵه‌تییه‌كان هه‌وڵیدا ئه‌و رووبه‌ره كه‌مبكاته‌وه.
جه‌بار مسته‌فا ره‌سوڵ، جه‌ختی له‌وه كرده‌وه، له ئێستادا 255 كیلۆمه‌تری چوارگۆشه له هه‌رێمی كوردستان مینڕێژه، قه‌یرانی دارایی جیهانی كاری كردووه به‌سه‌ر به‌رده‌وامبوونی پڕۆسه‌ی پاككردنه‌وه.