لە سەڵاحەددین سەرۆک بارزانی پێشوازی لە کونسوڵی کۆماری چیک کرد، لە دیدارەکەدا بارودۆخی سیاسیی عێراق و دوا پێشھاتەکان تاوتوێ کران.
ئه‌مڕۆ یه‌كشه‌ممه 6/2/2022 لە سەڵاحەددین، سەرۆک بارزانی پێشوازی لە کارل کۆرتانێک کونسوڵی کۆماری چیک کرد، لە دیدارەکەدا بارودۆخی سیاسیی عێراق و دوا پێشھاتەکان تاووتوێ کران.
ھەر لەو دیدارەدا رۆشنایی خرایە سەر توانا و ئامادەییەکانی ھێزی پێشمەرگەی کوردستان و، کونسوڵی چیک پێزانینی بۆ قارەمانێتیی ھێزی پێشمەرگەی کوردستان لە شەڕی دژی تیرۆرستان ھەبوو.
پەیوەندیەکانی نێوان ھەرێمی کوردستان و کۆماری چیک تەوەری دیکەی ئەو کۆبوونەوەیە بوو.