سه‌رۆكی هه‌رێمی كوردستان له‌باره‌ی كوژرانی سه‌ركرده‌ی داعش په‌یامێكی بڵاو كرده‌وه
نێچیرڤان بارزانی سه‌رۆكی هه‌رێمی كوردستان رایگه‌یاند، كوژرانی ئه‌بو ئیبراهیم هاشمی قوڕه‌یشی گورزێكی گه‌وره بۆ بۆ سه‌ركردایه‌تی داعش و كرده‌وه‌یه‌كی دادپه‌روه‌رانه‌ش بو.
نێچیرڤان بارزانی سه‌رۆكی هه‌رێمی كوردستان له تویتێكدا ڕایگه‌یاند “كوژرانی ئه‌بوو ئیبراهیم هاشمی قوڕه‌شی گورزێكی گه‌وره بوو بۆ سه‌ركردایه‌تی داعش و كرده‌یه‌وه‌یه‌كی دادپه‌روه‌رانه بوو بۆ قوربانییانی ده‌ستی داعش”.
هه‌روه‌ها ڕایگه‌یاند “له سه‌ركه‌وتنی ئه‌ركه‌كه‌یاندا ستایشی هاوپه‌یمانه ئه‌مه‌ریكییه‌كانمان ده‌كه‌ین”.
سه‌رۆكی هه‌رێمی كوردستان له په‌یامه‌كه‌دا ڕاشیگه‌یاند “جه‌خت له پابه‌ندبوومان به شه‌ڕكردن و له‌ناوبردنی تیرۆر ده‌كه‌ینه‌وه”.