سەرۆکی حکوومەتی هەرێمی کوردستان سەرەخۆشی لە وەزیری ھەرێم بۆ کاروباری پێکھاتەکان دەکات
مەسرور بارزانی سه‌ره‌خۆشی له وه‌زیری هه‌رێم بۆ كاروباری پێكهاته‌كان كرد به‌هۆی كۆچی دوایی دایكییه‌وه.
ئێوارەی ئەمڕۆ سێشەم مەسرور بارزانی سەرۆکی حکوومەتی هەرێمی کوردستان لە پەیوەندییەکی تەلەفۆنیدا سەرەخۆشی لە ئایدن مەعروف وەزیری هەرێم بۆ کاروباری پێکهاتەکان کرد بۆ کۆچی دوایی دایکی.
سەرۆکی حکوومەت له په‌یوه‌ندییه ته‌له‌فۆنییه‌كه‌دا پرسە و هاوخەمی خۆی پێگەیاند و هیوای خواست خوای مەزن گیانی خوالێخۆشبوو بە بەهەشت شاد بکات و سەبر و ئارامیش بە بنەماڵەکەیان ببەخشێت.
لای خۆشییه‌وه وەزیری هەرێم بۆ کاروباری پێکهاتەکان، سوپاس و پێزانینی بۆ پەیوەندیی و هاوخەمی سەرۆکی حکوومەتی هەرێمی کوردستان دەربڕی.