نێچیرڤان بارزانی، سه‌رۆكی هه‌رێمی كوردستان له‌په‌یامێكی پیرۆزباییدا به‌بۆنه‌ی ئه‌نجامدان و كۆتاییهاتنی پێنجه‌مین كۆنگره‌ی پارتی چاكسازیی توركمانی، رایده‌گه‌ێنێت، پشتگیریی له پێگه و ڕۆڵی پێكهاته‌كان له پرۆسه‌ی سیاسیی هه‌رێمی كوردستان و عێراقدا ده‌كه‌ین .
ده‌قی پیرۆزبایینامه‌كه‌ی نێچیرڤان بارزانی، سه‌رۆكی هه‌رێمی كوردستان ..
به‌بۆنه‌ی ئه‌نجامدان و كۆتاییهاتنی پێنجه‌مین كۆنگره‌یانه‌وه، پیرۆزبایی له سه‌رۆكایه‌تی و ئه‌نجومه‌نی جێبه‌جێكار و ئه‌ندامان و دۆستان و لایه‌نگران و جه‌ماوه‌ری پارتی چاكسازیی توركمانی ده‌كه‌م، هیوای سه‌ركه‌وتنیان بۆ ده‌خوازم.
پشتگیریی له پێگه و ڕۆڵی پێكهاته‌كان له پرۆسه‌ی سیاسیی هه‌رێمی كوردستان و عێراقدا ده‌كه‌ین و جه‌خت له پێكه‌وه‌ژیان و ته‌بایی و لێبورده‌یی له‌نێوان هه‌موو پێكهاته‌كانی گه‌لی كوردستاندا ده‌كه‌ینه‌وه.
هه‌ر سه‌ركه‌وتوو بن.
نێچیرڤان بارزانی
سه‌رۆكی هه‌رێمی كوردستان
2021/12/28