کتێبی (تێکشکاندنی ئەفسانەی داعش لەژێر سەرکردایەتیی سەرۆک مەسعود بارزانیدا) بڵاو کرایەوە
كتێبی تێکشكاندنی ئەفسانەی داعش لەژێر سەرکردایەتی سەرۆک مەسعود بارزانیدا، بڵاوكرایه‌وه کە نووسه‌ری كتێبه‌كه د. شێرزاد ئازاد سوڵتانه.
د. شێرزاد ئازاد سوڵتان ئامادەکار و نووسرەی کتێبەکە ئێستا کتێبەکەی بە چاپ گەیاندووە و ڕایگەیاند: سەرۆک بارزانی سەروەری و خاکی کوردستان و جیهانی لە مەترسیی داعش پاراست و گەورەترین رێکخراوی تیرۆریستیی جیهانی تێک شکاند. ئەو تێکشکانە لە هەرێمی کوردستان و لە جیهانیشدا دەنگی دایەوە و، بووە سەرەتای کەوتنی داعش لە ناوچەکە و جیهان.
نووسەری کتێبەکە دەشڵێت: شکاندنی داعش لە کاتێکدا بوو، کە ئەو رێکخراوە لە لووتکەی هێزی خۆیدا بوو، بە هۆی ئەو چەکە زۆرەی لە سوپا هەڵاتووەکەی عێراق و سووریاوە دەستی کەوتبوو، هەموو جیهانیش لە مەترسییەکی گەورەدا بوو، بەڵام پێشمەرگە بە رابەرایەتیی سەرۆک بارزانی لە سەرجەم میحوەرەکاندا ئەو رێکخراوە تیرۆریستیەیان تێک شکاند و سەروەری و مێژووی نەبەردیان تۆمار کرد. سەرۆک بارزانی بووە سیمبول و رەمزی پێکەوەژیان و پارێزەری خاکی کوردستان و عێراق و تەواوی جیهان لە مەترسیی ئەو رێکخراوە تیرۆریستیە.