لیلیان فازل حەیدەر
ڕاگەهاندن و تۆڕێن جڤاکی ڕۆلەکا بەرچاڤ و گرنگ د گەهاندنا دەنگێ ژنێ دە ژ تەڤاهییا جیهانێ ڕە دلێزن. هەروەها ژ بۆ وەکهەڤییا مافێن ژن و زەلامان، بێی جوداکاری، خودان باندۆرن. ڕاگەهاندن بوویە پارچەیەکە ژ ژیانا مە و بەشداربوونا ژنێ د ڤی واری دە، ب تایبەتی ل کوردستانێ، جوداهییەکێ د ناڤ جڤاکێ دە چێدکەت. ئەم دبینین کو هەژمارا ژنان د قادا ڕاگەهاندنێ دە زێدە دبیت، چ وەکی ڕۆژنامەڤان، پەیامنێر یان ژی خودان جەماوەرەکێ تایبەت بن و جڤاک ژی پشتەڤانییێ ل ڤان ژنێن گەنج و خودان شیان دکەت. هەروەها، د ڕاگەهاندنێ دە وێنەیێ ژنا کورد ژ بیانییان ڕە تێ دیارکرن و دەنگ و ڕەوشەنبیرییا جڤاکییا وێ بەلاڤ دبیت.
ڕاگەهاندنا یەکیتیا ئافرەتانێ کوردستانێ ڕۆلەکا گەلەک گرنگ د گەهاندنا دەنگێ جڤاکا کوردی، ب تایبەتی ژی یێ ژنان دە، هەبوویە؛ چ ژ ئالیێ ئابووری ڤە بیت یان ژی جڤاکی. هەردەم بەردەوامە ژ بۆ گەهاندنا پەیاما ژنێن کورد بۆ هەمی جیهانێ. ڕاگەهاندنا یەکیتیا ئافرەتان ژ ٢٤ ئەنجومەنان پێک دهێت و هەر ئەنجومەنەک ڕاگەهاندنەکا تایبەت هەیە کو ب ناڤەندێ ڤە گرێداییە. ئەڤەژی تایبەتە بۆ گەهاندنا ئاستەنگی و هێزا ژنان. هەروەها، پرۆگرامێن تایبەت هەنە کو گرێدایی ب ژنێ ڤە نە و بەحسا بابەتێن جودا دکەن. دیسان، ڕادیۆیەکا تایبەت هەیە کو دگەل مێهڤانێن جودا گفتوگۆیێ لسەر کەیسێن ژنان و بابەتێن جورەوجور دکەت، دا کو ژن مفای ژێ وەربگرن.
ڕاگەهاندنا ئێکەتیا ئافرەتێن کوردستانێ ڕۆلا گرنگا ژنێ دیار دکەت و هەمی ژنێن کورد ل هەر جهەکی بن، دگەهینیتە ئێک، چونکی ئارمانجەکا هەڤبەش هەیە، ئەو ژی دیارکرنا هێزا ژنا کورد د ڕاگەهاندنێ دە و دیارکرنا وان چالاکیێن کو ژن ژ بۆ وەلاتێ خو و ژ بۆ ژنێن دی دکەت. بێ گومان، ژن هێزەکا مەزنە د سۆشیال میدیایێ دە.