“زهراء علی احمد”
ئافرەت رەگەزەکا گرنگە ل جڤاکێ مەدا، کو نیڤا جڤاکێ یەو دایکا نیڤا دییە، ئافرەت دایکە، ئافرەت هەڤژینە، ئافرەت خیشکە، ژبلی زور ئەرک ل سەر ملێ وێنە و زور کارێن دیژی ل رێڤەبرنا مال و زاروک و زور جاراژی سەرباری ڤان هەمی کارا، کارێن دیژی ل دەرڤە دکەت وشیانا هەمی کاران هەیە ئەگەر دلیڤە بو بهێ رەخساندن، هەروسا مافێ وێ یە پشکداریا سیاسەت و بریاردانێ بکەت وشیانا رێڤەبرنێ هەیەو بنەمایێن ئێکسانی ئێکە ژ گرنگترین بنەمایا سەرەکی یا دەستوریێن کو هەمی ماف وئازادیێن گشتی ل سەر بەندە، ل ڤێ ناڤەندێدا مافێن سیاسی، ل وێژی گرنگتر پاراستنا ماف و دەستورو کەرامەتا ئافرەتێ یە، هەر چەندە ل هەرێما کوردستانێ پشکداریەکا کاراهەیەو ل سیاسەت و ب ئاراستەیا پێشکەفتنەکا دیار دچیت، ئافرەت ل پەرلەمانی وپوستێن حکومی و رێکخراو و ل هەمی جومگەیێن ولاتی تێن دیتن، بەلێ پێتڤی ب گرنگی دانا زێدەترو پشکداریا زێدەتر هەیە، هەر ژبەر ڤێ چەندێ ل دنیایا ئەڤروکە پشکداریا ژنان ل سیاسەتێ دا بویە پرسەکا هەرە گرنگ وژلایێ رەوشەنبیران وکومەلگەهێڤە گرنگییەکا تایبەت پێ دهێتە دان، هەروسا بەروڤاژی وپشکداری نەکرنا ئافرەتێن جڤاکەکێ ل سیاسەتێ دا پاشکەفتی وکلتورێ پیاو سالاریا ئەو کومەلگە نیشا دەدەت، پشکداریا ئافرەتا ل کاروبارێن سیاسی ومەفا وەرگرتن ل بیرو بوچونا وان ل مەوجودەکا پلە دوو بەرەف ئێکسانیڤە ل گەل زەلامان دبەت، ئەڤەژی مافێ هەر تاکەکێ جڤاکێیە بریارا چارەنڤیسا خو بدەت، ژلایەکێ دیڤە ئەم ببەردەوامی گوهداریا ئەڤێ چەندێ دبین کو زەلام وژن تەمامکەرێ ئێکەن و ئەو تەمامکەرییە دبیت بوارێ سیاسەت و رێڤەبرن وبریاردانێ دا لاسەنگ دبیت، پشکداریا ئافرەتان ل سیاسەتێ دا برنا گرفتێن ئافرەتێن کومەلگەهێ بو بلندترین ئاستێ دەسەلاتێ یەو پێکولکرنە بو نەهێلانا ئەڤان ئاریشانە، ژ هەمیاژی گرنگتر پشکداریا ئافرەتێ ل کایەیا سیاسی بێ لایەن کارێ خو دکەن و ب دلسوزی و بێی جوداهی د ناڤبەرا ئەو ئەوی دی، پێخەمەت خزمەت گەهاندن ب ئاخ و وەلاتێ و هەڤوەلاتیان، ئەڤێ چەندێ ژی ئەو دگەهینیت ئافرەتان شیانا کارا هەیەو ئەگەر دلیڤە بو وان بهێ رخساندن…..
پشکداریا ئافرەتێ د کارێ سیاسی دا
