شێرکۆ حەبیب
ئازادی ڕادەربرین و داوای ماف بەشێوازی ڕێگا پێدراوی یاسایی، یەکێکە لە بنەما هەرە سەرکییەکانی مافی مرۆڤ کە دەستوور و یاساکان جەختی لەسەر دەکەن، بەڵام ئەوە بەو مانایە نایەت کەوا مرۆڤ ئازادە بۆ هەر داوایەک و ئازادە بۆ مانگرتن، بەڵکو دەبێ لە چوارچێوەی یاسا و ڕێنماییەکان بێت، کەوا زیانی هیچ لایەنیکی لێ نەکەوێتەوە، نەک هەر ئەوە بەڵکو دەبێ بەها نیشتمانیەکان و سومبولەکان پارێزراو بن لە هەر ناو زڕاندن و تەشهیر کردنێک.
هەڵبەتە پێش ئەوەی مانگرتن و نارەزایی دەربڕێت دەبێ لەگەڵ لایەنی پەیوەندار گفتوگۆ بکرێت، و لە ساتێک نەگەیشتە رێککەوتن دەتوانرێ بە شێوەیەکی یاسای خۆ پێشاندان و مانگرتن ئەنجام بدرێت، ئەوەی لەم یەک دوو هەفتەی رابردوو ئەنجام درا لە مانگرتن مافێکی ڕەوای خۆیانە بەڵام دژ بە کێ؟ بۆ حکوومەتی هەرێم بکەنە ئامانج؟ کە دەبوایە ڕوویان لە حکوومەتی فیدراڵ بکردبایە و داوای ماف و شایستەکانیان بکردبایە، چونکە هەروەک حکوومەتی هەرێم ڕوونی کردەوە کەوا بەغدا مووجەی مانگی ١٢ی ساڵی پاری نەناردووە، تەنانەت حکوومەتی بەغدا بە بەڵگە ئەوەی نەخستۆتە روو کەوا ناردویەتی.
ئەگەر ئەو کۆمەڵەی مانیانگرتووە داواکاریان دروست و رەوا بێت، بەڵام بەداخەوە وا پێدەچێت دەستتێوردانی تێدا بکرێت، و ببێتە بابەتێک دژی هەرێم، بەتایبەتی لە لایەن هەندێ ئەندام پەرلەمانی عێراقی یا کوردستانی، نەخاسمە ئەوانەی پێشتر هەڵوێستیان دژی حکوومەت و هەرێمی کوردستان هەبووە و ئەمڕۆ دەیانەوێت بارودۆخەکە زیاتر ئاڵۆز بکەن، گرفتەکان لە گۆرەپانی بەغدا بگوازنەوە هەولێر لە ساتێک هەموو ئەو گرفتانە سەرچاوەی بەغدایە کە پابەندی بڕگەکانی دەستوور نابێت و بوودجە و مووچەی هەرێم لە کات و ساتی خۆی و بە دروستی نانێرێت، جگە لەوانەی بوونەتە زوڕنا ژەنی دەسەڵاتی بەغدا کە هەندێ پەرلەمانتار و لایەنی سیاسی کوردستان ستایش لە رۆڵی بەغدا دەکەن کە دورە لە راستی، دەبووایە ئەو قسانەی ئەمرۆ لە کەناڵەکانی راگەیاندن باسی لێو دەکەن، دەبوایە ئامادە بوونایە لە کۆبوونەوەی سەرۆکی حکوومەت لەگەڵ لایەنە سیاسییەکان و بە بەڵگەوە بییان خستبایە ڕوو، یا هەندێ پەرلەمانتار ستایش لە رۆڵی سەدام دەکەن کە ئەمە جێگای شەرمەزاریە، خەبات و تێکۆشانی کورد بەراورد بکەی بە ڕژێمێکی دیکتاتۆری شوڤێنی بۆیە گرنگ پەرلەمانی کوردستان لەو بابەتە بێ دەنگ نەبێ.
بەڵێ مانگرتن و خۆپێشاندان مافێکی یاساییە راستە بژێوی ژیان ئەوەندە دێنی، بەڵام لای کێیە، دەبوایە مانگرتن و خۆپیشاندان بۆ بە پارێزگاکردنی شاری هەڵبجەی شەهید و گەرانەوەی ناوچە زەوت کراو و بە عارەبکردنی ناوچە کوردستانییەکان بوایە.
هێرشکردن و سوکایەتی کردن بە هەر لایەنێکی سیاسی، لە بەرژەوەندی نەیارانی میللەتە، ئەگەر ئەو لایەن و حزبانە نەبووانە کە دەیان ساڵە خەبات دەکەن و قوربانیان داوە ئەم ئازادیە بەرقەرار نەدەبوو کە ئەمڕۆ مانگرتن و دژایەتی حکوومەت دەکەن.
ئەوەی جێگای تێبینیە سەرجەم دژایەتیکردنەکان دژی پارتییە، لەگەڵ ئەوەی حکوومەت لە چەندین لایەن پێکهاتووە، بەڵام وا دیارە ئەوانە نازانن هێزی ئەوان لە هێزی پارتی دایە هەموو هەوڵی دوژمن و نەیارانی کورد مەبەستیان لاوازکردنی پارتی دیموکراتی کوردستانە چونکە باش لەوە گەیشتوون کەوا سەرۆک بارزانی و پارتی دیموکراتی سازش لەسەر هیچ مافێکی کوردستان ناکەن، و ئەوەشیان بۆ رۆن بۆتەوە کەوا سەرۆک بارزانی و پارتی رێگرن لە بە ئەنجام گەیاندی پیلانی دوژمن و کارکردن دژی کوردستان.
تاکە وەڵام بۆ ئەوانەی دژایەتی پارتی دەکەن تەنها دەنگی هاووڵاتیانی کوردستانە لە کاتی هەڵبژاردنی پەرلەمانی کوردستان کە زیاتر لە دەنگی هەموو لایەنەکانی کوردستان دەنگی هێنا و پارتی و زۆرینەی دەنگی بەدەست هێنا، ئەمە وەڵامیکە دەبی تێبگەن.
ئازادی ڕادەربڕین و مانگرتن مافێکی یاساییە، بەڵام…
