ئیلهام سەبری محمد
ئەڤ رێکخراوە لسەر داخازا بارزانێی بابێ روحی گەلێمە دکونگرا سیێ پارتی دیمەکراتی کوردستان دا بریارا دامەزراندنێ هاتە دان، داکو هزرا وەک هەڤیێ کو دبیرو باوەرێت بارزانیێ نەمرو پارتیدا موکومبوو، دوارێ کرداریدا کار بۆ بهێتە کرن، هەر چەندە ئەڤ رێکخراوە دکاودانەکی نازکدا کەتە مەیدانا کاری، لێ شییا لدیف بارودوخا خۆ بگونجینیت، دقوناغا خەباتا نهینیدا مل بمل رێکخراوێت حزبی و پیشەیی دەورێ خۆ گێرایەو بەلکو باجا خەباتێ ژی دایە ئەوژی شەهیدبونا چەندین کادرو ئەندامێت وێ بوو لسەر دەستێ حزبا بەعسا ژناڤچوی وەک شەهیدان ( لیلی قاسم، کوردستان سالح حامو و قومری زاخۆیی)، هەروەسا دقوناغا ئەنفالکرنا گەلێمەدا وەک هەوەکا ژناڤبرنێ دەهان ئەندامێت ئێکەتییا ئافرەتان ژیاناخۆ ژدەستدان، ئەندامێت ئافرەتان لسەر دەمێ هەردو شوڕشێت ئەیلول و گولانێ دا، بەشداری هەبون و بئەرکێت خۆ رابونە بتایبەتی خزمەتکرنا هێزێت پێشمەرگەیداو گەهاندنا پێتڤیێت شوڕشێ و ڕاپەڕاندنا ئەرکێت رێکخراوەییدا، هەروەسا پێش سەرهلدانێ و دروژێت سەرهلدانێدا، ئافرەتان ڕولێ خۆ هەبویەو قوربانی ژی داینە وەک شەهید ( خەجە باوە) لباژێرێ هەولێرێ و چەندین ئافەرتێت دی ژی لجهێت جودا جودا، پشتی سەرکەتنا سەرهلدانێ و پێکئینانا پارلەمان و حکومەتا هەرێما کوردستانێ، ئێکەتییا ئافرەتان ڕولێ خۆ گیرایەوە و بەشداری هەبووە چ وەک ئەندام پارلەمان یان وەک وەزیر، ژبلی وێ چەندێ ژی، ئێکەتییا ئافرەتان، شیایە جهێ دەستێ خۆ دیارکەتن، لدارشتنا جەندین یاسایادا ئەوێت کو زیدەتر ماف و ئەرکێت ئافرەتان دپارێزت و وەک هەڤیێ جێبەچێدکەتن .
نها ژی ئیکەتییا ئافرەتان بپشتەڤانییا جەنابێ سەرۆک بارزانی و پارتی دیموکراتی کوردستان، لسەر خەباتا خۆ دهەمی بیاڤادا، دێ بهەمی شیانێت خۆڤە کارکەتن داکو چ رەنگێت جوداهییاو پێشێلکرنا دەرهەق ئافرەتێت کوردستانێدا نەمینن و لگەل چین و تەخێت کومەلگەهیدا بەرف قوناغەکی پێشکەتیتر پینگاڤا پاڤێت و دپێخەماتا ئاڤاکرنا کومەلگەهەکی تەناو دیر ژهەمی رەنگێت توندوتێژیی.
بهەلکەفتا (٧٢) ساڵییا دامەزراندنا ئێکەتییا ئافرەتان، جانترین پیروزباهییا پێشکەشی هەمی کادرو ئەندام و ئافرەتێت کوردستان دکەم و سەرکەفتنێت مەزنتر بووان دخوازم .
گرنگیا دامەزراندنا ئێکەتییا ئافرەتێت کوردستانێ
