ڕویب ڕویبوونا ئافرەتان و پرسێن مروڤی و کومەڵایەتی

ڕێژین نهێلی
توندوتیژیا دژی ئافرەتان نوینەراتیا بنپێکرنا مافێ مروڤی دکەت و دیاردەیەکە کۆ مەترسیێ لسەر سلامەتی و ئێکگرتنا کومەڵگەهێ دروست دکەت.
توندوتیژیێ ژی گەلەک جور هەنە، ژوان ژی توندوتیژیا جەستەیی، دەروونی، سێکسی، ئابوری ..
ئەگەرێن وێ ژی د رهـ و ریشالێن پراکتیزا کەلتورێ کومەڵایەتی دا هەیە کۆ بەردەوامیێ ددەتە جیاوازی و نەیەکسانیێ دناڤبەرا رەگەزادا، ڕویب رۆیبونا ڤێ دیاردێ ژی پێتڤی ب بزاڤێن تاکەکەسی و کومەڵگەهـ و حکومەتێ هەیە. هوشیاری و پەروەردە. هوشیاری ژی پێنگاڤا ئێک یە ژبو بەرهەنگاربونا توندوتیژیا دژی ئافرەتان.
لەوڕا پێتڤی یە کەلتورێ یەکسانیا رەگەزی ب رێکا کەرتێ پەروەردێ و دەزگەهێن میدیایی بەرەف پێش بچیت، تەرکیزکرن لسەر گوهرینا دیتنێن خەلەت و میراتێ کەلتوریی ئەوێ کۆ رێکێ ب توندوتیژیێ ددەن لەوڕا ژبو بنیات دانانا کومەلگەهەکێ کۆ رێز ل ئافرەتێ بهێتەگرتن پێتڤی یە وێ کومەڵگەهێ باوەری ب مافێ وان هەبیت، هەروەسا بەژداریکرنا زەلام و گەنجا د هەوێن هوشیاریێ دا هاریکارن ژبو دروستکرن و تێگەهشتنەکا هەڤپشک بو ڤێ رویب ڕویبونێ.
بهێزکرنا یاسا و یاسادانانێ
یاسا ئێکەم بەرگیری کارە ژبو پاراستنا ماف و ژیانا ئافرەتان.
یاسا دانان دڤێت یا روهن و توند بیت سەبارەت هەموو جورێن توندوتیژیێ، دهەمان دەم دا میکانزمەکا کاریگەر دابین بکەت ژبو جێبەجێکرنەکا بێی جوووداهی.
راهێنانا پولیس و کارمەندێن دادوەریێ بو سەرەدەریکرن دگەل کەیسێن دەستدرێژیێ کۆ زێدەبونێ دایە.
هەروەسا پێتڤی یە یاسا ئافرەتێ پشت راست بکەت ژ پاراستنا ناسنامە و راپورت و کەیسێن وان.