شیماء مسته‌فا ئه‌حمه‌د
هەلبژارتن پروسێسەکا دیموکراسیانە کو خەلك دەسەلاتێ دیار دکەن بو دەمێ داهاتی و پاشەروژێ، هەلبژارتن ئالاڤەکە بو دەستنیشانکرنا دەسەلاتێ ئەڤجا چ دەسەلاتا ناڤەندی بیت ئانکو حکومەت یان ژی دەسەلاتداریا باژێرڤانیا ئانکو ئەنجومەنێ جڤاتا باژێرڤانیێ، شەفافیەت بنەرەتێ هەلبژارتنا نە و ل وەلاتێن دیموکراسی تێدا دهێتە جێبەجێکرن هەلبژارتن بنەمایەك گەلەك گرنگە، وەكو دیار د هەیڤا داهاتی دا هەلبژارتنێن پەرلەمانێ هەرێما کوردستانێ دێ هێنە ئەنجامدان و ئەڤ هەلبژارتنە گەلەك گرنگن، هەرێما کوردستانێ پشتی ڕوی ب ڕوی بوونا گروپێن تیرورستی و شکاندنا وانا ب دەستێن پێشمەرگەیی پتر دیار بوویە د ڕویێ ڕایا گشتی یا نیڤدەولەتی و پێگەهێ وێ بهێزتر لێ هاتیە ئەڤ هەلبژارتنە پتر گرنگی پێ دهێتە دان ژ لایێ میدیایێن جیهانێ ڤە ئانکو ئەم دشێن بێژین ئاهەنگەك دیموکراسیەتێ یە د ئەڤ سالە دا و هەلبژارتنێن پەرلەمانێ هەرێما کوردستانێ ئێکە ژ گرنگترین هەلبژارتنێن ئەڤ سالە، دەنگدان کو خالا سەرەکیا دەنگدانێ و هەلبژارتنێ یە ئێکە ژ ئەرکێن هەڤوەلاتیان بو دیارکرنا دەسەلاتا وەلاتی و دهێتە چاڤەڕێکرن رێژەکا زور بەشدار ببن د ئەڤێ پروسێسێ دا و خەلك دەسەلاتێ دێ دیار کت بو چوار سالێن داهاتی، هەلبژارتن ب سیستەمێن جودا جودا ل پتریا وەلاتێن جیهانێ دهێنە ئەنجامدان و هەلبژارتن ئێکە ژ پیڤەرێن سەرەکی یێن مافێن مروڤان کو وەكی ل سەری ئاماژە پێ هاتی دان هەڤوەلاتی ب دەنگێن خوە بەربژێران دیار دکەن و دەسەلاتێ بو دەمێ دیار کری دەست نیشان دکەن، هەلبژارتن ئانکو دیارکرنا دەسەلاتێ ب بوچوونا هەڤوەلاتیا دهێتە دیار کرن هەڤوەلاتی ب مەرەما دەنگ دانێ بەشداری هەلبژارتنا دکەن و ل سەر سندوقا بریارێ بو پاشەروژا خوە ددەن، هەروەسا ژ لایەك دیڤە قەیران و بریارێن سیاسی یێن دادگەها فیدرالی دژی هەرێما کوردستانێ، پارتی دیموکراتی کوردستان وەکو ئێکەم پارتی د ڤێ هەلبژارتنێ دا ب بەربژێرێن بهێز بەشدارە و دشێت ژ جارێن دی پتر دەنگا بینیت سەرەڕای وێ چەندێ کو گەلەك ڕەوش پەیدا بووینە و شیا بهێز بمینیت و سەنگا خوە ب پارێزت.