دادگای باڵا، یان دادگای بەڵا؟
ڕێبوار سیوەیلی
- ئێمە لە خاكێكی جیاوازین، مێژوویەكی جیاوازمان هەیە و سێمبوول و شانازییەكان و تامی خواردن و كولتووریشمان جیاوازە. عێراق نیشتیمانی مێژوویی من نییە، من خەڵكی كوردستانم، كە مێژووییەكی زۆر دێرینەتری لەم عێراقە هەیە، كە مێژووەكەی دەگەڕێتەوە تەنیا بۆ سەرەتای سەدەی بیستەم.
- عێراق بۆ من قەفەسێكی ئاسنینە و تیایدا بەندكراوم. تیایدا كۆیلەم و هاووڵاتیی دووەمم و من نیشتیمانێكی میژووییم هەیە، نەك سیاسیی و دروستكراو.
- عێراق نیشتیمانێكی دروستكراوە، بە زۆر كوردی تێئاخنراوە و ناچار كراوە بە زۆر قەبووڵی ئەم زیندانە بكات. عێراق نیشتیمانێكی ڕۆحیی من نییە، هێندەی ئەوەی قەوارەیەكی سیاسییە كە ئێمە لە 2003دا بۆخۆمان زیندوومان كردەوە.
- باجی ئەم زیندووكردنەوەیەمان دا و سەرمان دای لەبەرد. ئەو كاتەی ئەوەمان دەكرد، هاووڵاتیانی كورد مەستی ڕووخانی ڕژێمی سەدامی دیكتاتۆر بوون و سیاسیەكانی ئێمە مەستی بەدەستهێنانی پاداشت و بەرژەوەندی.
- “دادگای بەڵای عێراق” بەرهەمی ئەم زیندووكردنەوەی لاشە تۆپیوەی عێراقی بەعس و شۆڤێنییەتەیە.
- لە وتارەكانی داهاتوودا زۆر شتی دیكەش دەنووسم.. ئێوەش هەر جوێنم پێدەن خۆشەویستان..