رۆژین محمد
ب هەلکەفتا دامەزراندنا رێکخراوا ئێکەتیا ئافرەتێن کوردستانێ کو ئێکەم روژا دامەزراندنا ئەڤێ رێکخراو ڤەدگەرێتەڤە بو 11/12/1952،ئەڤ رێکخراوە هاتیە دامەزراندن بو بەرەڤانیکرنێ ژ ژنا کورد و پێشڤەبرناوێ د ناڤ گومەلگەهێدا.ئەڤ رێکخراوە وەکو رێکخراوەکا جەماوەری کاردکەت بو بهێزکرنا ژنێ و چارەسەرکرنا ئاریشێن وێ هەروەسا ئەڤێ رێکخراوێ رول وکاریگەریەکا زوور هەبویە وەکو بابەتێن جڤاکی سیاسی رەوشەنبیری و ئابوری ب ڤەکرنا چەندین خولین زانستی ئەکادیمی وهاریکرنا ژنێ ژلایێ ماددی و معنەویڤە، و هەروەسا کارکریە لسەر دیاردا توندوتیژیێ کو ئەو ژی ئێکە ژوان بابەتێن زوورباوە دناڤ کومەلگەهێدا کو ئێکەتیا ئافرەتان گرنگیەکا زوور پێدایە و رول کاریگەرێین خو هەبویە لسەر ئەڤی بابەتی، چونکی توندوتیژی دبیتە ئەگەرێ لاوازی و پاشڤەبرنا ژنا کورد ئەڤە ژی کاریگەریەکا خراب هەیە لسەر جڤاکی، چونکی پەروەردەکرنا جڤاکی لسەر دەستێ ئافرەتیە ئەڤ بو هندێ ڤەدگەرێتەڤە هەر جڤاکەکا توندوتیژی دناڤدا کێم بیت رێژا سەرکەڤتنێ تێدا زوور دبیت.
ل دیف یاسایا نەهێلانا توندوتیژی ل هەرێما کوردستانێ_عێراقێ توندوتیژیا خێزانێ بریتیە ل هەر کردارەکێ یان وشەیەکێ یان هەرەشەلێکرنەکێ لسەر بنەمایا جورێ کومەلایەتی ل چارچێوەێ پەیوەندیا خێزانیدا لسەر بنەماین پێک ئینانا هەڤژینیێ یان خزماتیێ حەتا پلا چار هاتیە دانان ئەڤێن ب یاسایێ هاتینە دناڤ خێزانێدا ئەڤە دشێن زیانێ بگەهینە بارێ جەستەیی جنسی و دەرونی و مافێ ئازادیی ژ دەست بدەن. سەرەرایێ هەبونا قەیران ل دیڤ قەیرانێ و هەبونا فشارەکا زوورا حکومەتا عێراقێ لسەر هەرێما کوردستانێ، جهێ دلخوشیێە رێکخراوا ئێکەتیا ئافرەتان شیایە ب شیوەیەکی بەرچاڤ رێژەیا توندو تیژیێ دناڤ کومەلگەها کوردیدا کیم بکەت و رولێ ژنا کورد بلند بکەت ژ لاێی سیاسی ماددی و معناوی ڤە کو بشێت پتر خزمەتێ ئارستەیێ جفاکا کوردی بکەت.و هەروەسا ب هەلکەفتا سالیادا دامەزراندنا ئێکەتیا ئافرەتێن کوردستانێ جوانترین پیروزباهیێت خو ئارستەی هەمی کادرێن دلسوز و ئەندامێن سەربەرز رێکخراوا ئێکەتیا ئافرەتان و هەمی ئافرەتێن بەرێزێن کوردو کوردستانێ دکەم.