ئه دیبا عزه ددین تاهیر
ب زوری ئەم وه‌سا دفكرین كوو ئه‌و زاروكێ زێدە بوهایێ ددە دایك و باڤێ خوە و ل با وی دەیك و باڤێ وی گرنگیا خوە ئا تایبەت هەیە، زاروكەك نموونه‌یی و ب وه‌فانه ژبوو دەی و باڤێ خوە،لێ ئەوا ڕاستی بت نە هوسایە.
ڕاستیا وێ ئه‌ڤه كوو ده‌مێ زاروو ڤێجا چ كوڕك بیت یان ژی كەچ و قیزك(كوو هه‌لبه‌ت ئەڤە زێدەتركوڕكا ل خوە دگریت) د خه‌ما مه‌دانن و نیگەرانێ مەنە،ل ڕاستیدا ڤێ دەردخە كو ئەو ب خوە زراردیتییەك ڕاستەقینەیە لبەت بەرپرسیارێ وێ زرار پێكەتنێ ژی هونێن دەیك و باڤن.
دەی و باڤەك باش و هەژی،ئه‌و دەی و باڤەیە كوو هزرو بیر و خەیال و فكرا زارویێ وی ژ وی ڕە ئاسوودە و ئارام بیت ڕێكێ ژ بو زارویێ خوە ڤەكت و دەرفەت ژ وی ڕە بدەت و وێ هێز و شیانێ بدەتێ هەیا كو لە شوونەك دوور ژی و ژ دوور دوور ژی هزر و خەیال و فكرا وی ئوو دل و دەروون و ناڤا وی ژی ئاسوودە و ئارام بت.
ده‌می زاروو ژ وە دویر ناكەڤیت و هەر گاڤ هزروخەیالێن وی مژویلی وەنە و د خه‌ما وەدایە،گاڤا كوو تەڤ پروگرام و بەرنامە و پلانێن ژیانا خوە دگه‌ل وە ئامادە دكەت و بێ وە چوو پلان و بەرنامەیێ وی توونەیە،ئه‌ڤه نه‌كو نیشانێ وه‌فاداری و ب گرنگ زانێنێ نینە به‌لكوو نیشانەك ژ نیشانێن زرار پێكەتنا وییە. ڤێجا توو بالا خوە بدە ڤێ چەندێ كوو گاڤا ب بەردەوامی دگه‌ل زارویێن خوە دئاخڤی و هایدارییان ژێڕە ددەی و وی دهینیڤە سەرخوە ئوو ژێڕە دبیژی كوو د ڤێ ژیانێدا چەندا وه‌ستیا و ماندی ئوو تە چەند خوولی سەری و نەخوەشی و ئێش و ئازار دیتیە، هەكە تە ڕاستی دڤێت ئەڤ گووتن و ئاخفتن ڕامانا وی دگەهینن كوو (( ئه‌ز ئێك ژ قوربانیێن ڤێ ژیانێ مه و ب تنێ توو هیڤی و ئومێد و دەربازكەرێ ژیانا منی)).
ژ به‌رچەندێ ژی ئه‌و ئا نها خوە ب دەربازكەر و ڕزگاركەرێ تە دزانیت و ژ بوو دەربازكرنا ته ژی چوو دەمەك ژ ده‌ست خوە ناده‌ت ل چوو تشتەك ژی خوە ناپارێزت ئوو بێی كوو ئەو ب خوە ژی بزانبت تەڤ ژیانا خوە ب نیگه‌ران بووناوە ژ ده‌ست دده‌ت و تەڤ حەز و خوەشی تاما ژیانا وی لناڤ دچیت و دهەڕفیت.
بلا د هه‌مبه‌ر وێ حەژێكرن و ڤیان و ئه‌شقا كوو مە ب زارویێن خوە ڕە هەیە و ئەو حەز و ڤیانا كوو ژوان ڕە ددەین،بلا وان دەیندار نەكەین بلا هێمنایی و ئارامیا وان تێك نه‌ده‌ین و خراپ نەكەین، بلا ئالیكاریا وان بدەین كوو ژیانه‌ك سه‌ر به‌خوە و ئازاد و هزره‌ك ئارام و ئاسوودە بێ نەخوەشی و خەت خەتێن ژیانێ هه‌بیت .
جوبران خه‌لیل جوبران دبیژیت كوو:”ئەوا ڕاستی بت زاروكێن وە، نە ئێن وەنە.ئه‌و كەچ و كوڕكێن ژیانێنە دگەل هیڤی و ئومێدێن خوە،ئه‌و ل كولانا ژیانا وە دبوورن، لێ نە یێن وەنە،هەر چەند كوو دگەل وەدانە و ل با وەنە، لێ ئەو نە یێن وەنە،هون نە خودانێن وانن.
لەوما حه‌ز و ئه‌شق و ڤیانا خوە بدن وان ئوو ژ وان ڕە حەز و ڤیانێ ببه‌خشن، لێ هزر و بیر و باوه‌رێن خوە ژ خوە ڕە هه‌لگرن ژبەركوو وان ژی ژ خوەڕە هزرو بیروباوه‌ر ئوو خه‌ون و خەیالێن خوە هه‌نه له‌ش و بەدەنێ وان ل مالێن خوەدا بهێلن و شوونا وا بدەن و دەرفەت ژ وان ڕە چیكەن ئوو ڕێك ژوان ڕە بده‌ن، لێ بلا ڕح و دل و ده‌روونێ وان بلا هزر و خەون و خه‌یالی ئوو فكرینا وان ئازاد بت،دزانن بوو؟
ژبەركوو ڕح و هزر و خه‌یالێن وان ل ناڤا مالێن پاشەڕوژێدا دژیت كوو هون خوو د خەون و خەیالێ ژیدا نكارن سه‌ره‌دانا ئه‌وی پاش ڕوژێ(داهاتوو) بكه‌ن و ب دیدارا وێ پاشەڕوژێ شاد ببن.دوور ژی نییە ئەگەر كوو هون حه‌زبكه‌ن و بخوان وه‌ك وان بن،لێ خوە نەفەتسینن و ماندی نه‌كه‌ن ئوو نەخەبتن ژی كوو وان وه‌كی خوە لێ بكه‌ن و ڕێكێ ژی نەدەن كوو ئەو مینا هەوە بن و وەك وە بفكرن و بژین. ژ بەركوو دەم و دەور به‌ره‌ڤ پاش ناڤه‌گه‌ڕێت . ب دووھ دووھكرن ژیان دره‌نگ ناكه‌ڤت.