هاودەنگ فارووق
شۆڕشـــی ئەیلوول، لە کاتێکدا هەڵگیرسا، كە شەوی دەیجووری كورد بوو، بارزانی نەمر توانی لەو شـــەوە ئەنگوستەچاوەدا ترووســـكاییەك بكاتەوە، ئێستاش، سەرۆك مەسعود بارزانی، بەحیكمەت و دانایی و لێزانی و بیرتیژیی خۆی، هەنگاو بە هەنگاو پێشڕەوی نەتەوەی كورد دەكات بۆ گەیاندنی گەلی
كوردستان بۆ ئەودیوی تونێلەكە.
هەموو قوتابییانی ڕێبازی بارزانیش، گوێڕایەڵ و بەگیان و ئیرادەی سەرەتای شۆڕشـــەوە، لەدوای ســـەرۆكەوە ڕێدەكەن و، دڕ بـــەو یەڵدایە دەدەن، كە داگیركەر بۆ كوردی خوڵقاندووە.
هیندییەکان لە ســـەروبەندی ڕزگاربوونیاندا لە دەست داگیرکاریی ئینگلیز و ڕاگەیاندنی ســـەربەخۆیی، ڕۆژانە بە ســـەدانیان لە برسان دەمردن! وڵاتانی ئەورووپایـــی، کەشـــتییەکی گەورەی پڕ خۆراکیان بـــۆ دەنێرنە کەنارەکانی دەریای هیند، حزبەکانی هیندســـتان سەرباری ناکۆکی و ململانێی توندیان، لەگەڵ ســـەردارانی وڵات، هەموو وێکڕا کۆبوونـــەوە و بڕیاریان دا، خۆراکی هەناردەکراوی داگیرکەر ڕەتکەنەوە. یەک مانگ کەشتییەکە لە کەنار دەریادا مایـــەوە، تا بە خۆراکی بەســـەرچووەوە گەڕێندرایەوە، یەکدەنگ گوتیان: با بمرین لە برسان، بەڵام کەڕامەتی میللەتی هیند پارێزراو بێت، با بە گەلێکی دەرۆزەکەرمان ناوزەد نەکەن.
كورد هەرگیز لە برســـان نەمردووە، لە سەردەمی شۆڕشی ئەیلوول و گوڵان و ڕاپەڕینیش ســـەری بـــۆ موچە و بۆ پارووەنانێك شـــۆڕ نەكردووە، نابێت بهێڵین پەڵەی شوورەییمان بە نێوچاوانەوە بلكێت، وەک میللەتێکی ژێرپێی نەتەوەی سەردەستەی خۆسەپێنی عێراق ودەستپانكەرەوە داگیرکەران وێنا بکرێن.
بڕیـــاری ژیرانە بـــۆ ئەم پرس و ئەم دۆخە، دەبێ لـــە بازنەی بەرژەوەندییە باڵاکانی کوردستان دەرنەچێت.
پێویســـتە پارەدارو دەوڵەمەند و كۆمپانیاكانی كوردســـتان كە لەســـایەی ئەو حكومڕانی و ئازادیی و زەمینەی ئاسایشـــی كوردســـتاندا، پێگەیشتوون ، ویژدانی خۆیان ئاســـوودە بكەن و خۆیان دەستپێشـــخەربن، دەســـتباری حكوومەتی خۆیان بن، بۆ پرسی موچە هاوكاربن و باربۆی فەرمانبەران بن، نەهێڵن كەرتەكانی ژیان و بووژانەوەی بووەستن.
ئەوانە مێژوو بە شانازییەوە ناویان دەنووسێتەوە. لەم كاتەدا، كە دەســـتبادانی كوردستان لەلایەن بەغدا و ئەجێندای دەرەكی گەیشتووەتە قۆناغێكی هەستیار، پێویستە كات بە فیڕۆ نەدرێت و هەنگاوی جیددی بنرێت بۆ ئەوەی شكۆی كورد بپارێزرێت.
لـــەم نێوەندەدا، بەرپرســـیارێتیی هەمووانە دەســـت لەناو دەســـت و لەبەر ڕۆشـــنایی گۆڕانكارییەكانی قۆناغەكە بجوڵێن و ئەنجوومەنێك یان ژوورێكی ئۆپەراســـیۆن لەهەموو چین و توێژەكانی كۆمەڵگەی كوردستان و پێكهاتە سیاســـییەكان دابنرێت و ببێتە هاوكار و دەســـتباری بڕیارەكانی حكوومەت بـــكات و وەك ئەنجوومەنێكـــی ڕاوێژكاریش كار بكات بـــۆ ئەوەی بەردەوام پێشـــنیاز بداتـــە حكوومەت تاكـــوو حكوومەتی كوردســـتان بتوانێت وەك كەناڵێكی شەرعی و یاسایی كاری خۆی بكات. بەپرســـیارێتی تێپەڕاندنی ئەم دۆخە و گەیاندنی كـــورد بەكەناری ئارامی، تەنهـــا بەرپرســـیارێتی یەك لایـــەن و یەك ناوچە و شـــارێك نییە، بەڵكوو بەرپرسیارێتیی هەمووانە. هەمووان پێویستە خۆ گورج بكەنەوە، وەڵامی ئەم تەحەدا گەورەیە بدەنەوە.
ناكرێت لێگەڕێین تۆپەڵە بەفرەكە خلۆر ببێتەوەو، شـــكۆ و مێژوومان ببێت
بەژێرییەوە.