دھەلبژارتنێت سەرۆکایەتی و پارلەمانێێت تورکیادا ٢٠٢٣، (ھەدەپێ ) زیانەکی مەزن بەرکەفت، بەری نوکە خودانێ (٦٧) کوررسییا بوو،وەلێ نها شیایە بهەڤپەیمانییا چەپێت تورکی (٦١) کورسیا بدەستڤە بینیت ؟؟؟، ئەو ژی نەھەمی ئەندامێت ھەدەپێ نە ؟ ئەگەر سەربەخۆ پشکدارییا ھەلبژارتنا کریبا بێگومان دا زێدەتر دەنگ و کورسییا پەیداکەت، بەلکو دا بیتە ھێزەکا سیاسی پارلەمانی سەنگین و بڕیاردەر، لێ مخابن نەشیا سیاسەتەکا ژیرو ژێهاتی پرێڤە ببیت. جهێ داخێیە شاشییا (ھەدەپێ) چەند بارە دبیتن، ددەمەکێدا دڤیا مفا ژ ھزرو ھەڵوێستێت دور ژ لوژیکێ ڕابوری وەرگرتبا . ئەگەر ملدابا بەر پرسا نەتەوایەتی و دخەما ڤەدیتنا چارەسەرییەکی تەندروست دابا بۆ خواستەکێت گەلێ کوردستانێ ل کوردستانا تورکیا، دڤیا ھەر لسەرو بەندێ ھەلبژارتنێت ساڵا (٢٠١٤) دا کو پێگەھێ وێ (٨١) کورسی بوون ؟ ل ھەولا گەھشتنا رێککەفتنەکێدابا لگەل (ئەکەپێ)، چونکە وی دەمی (ئەکەپە) ئامادەی رێککەفتنێ بوو، بوی ئاوایی دا شێتن دچواچوڤێ رێککەفتنەکی سیاسی و یاساییدا چەند ئەکەکا بجه بینیتن : (عبدالله ئوجەلان ئازادکەت، ڕیگریێ ھەتا راددەیەکی باش لبەردەوامییا شەری بکەت و نەدھێلت بگەھیتە شەرێ خەندەکا ؟ کو بۆوە ھۆکارێ کوشتنا زێدەتر ژ (١٠٠٠ ) کەساو برینداربونا چەند ھزارەکێن دی و مشەختبونا پتر ژ پێنج سەد ھزار کوردان بەرف باژرێت تورک نشین و ژیانەکی بێسەرو بەر، بەلکو دا پشکداربن دحکومەتێدا و خزمەتەکا باشا دەڤەرێت کوردستانی کەتن و کاودانێت شەرخوازیێ گەلەک بەرف لاوازبونێ پاشڤەبەتن.
ھە‌دە‌پە وھە‌لبژارتنێت توركیا
