ئه دیبا عزالدین تاهیر
چەوا دایک و باب دێ هاریکار بن دەمێ ئەزمونان ئوو تاقی کرنا قوتابیان تایبەت ل مالێ؟
ڕولێ دایک و بابان ل قوتابخانێ دگەل قوتابیان لدەمێ تاقیکرنێدا گەلەک یێ گرنگە ئوو ڕولەکێ سەرەکی هەیە د ڤی باریدا. دایک و باب دکارن ب ڕێکارێن خوە یێن کوو قوتابی هان ددەت ژ بو باشتر خویندن ل دەمێ تاقی کرنان و ئەزمووناندا کوو دێ د ئەزموناندا سەرکەفتی بن.
هندەک ڕێکار هەنە ژ بو دایک و بابان کوو دڤێت ئەو بکار بینن ژ بوو خویندکار و قوتابیان تایبەت ل مالێدا دا کوو خویندكار ل ئەزموناندا ب سەرکەفتیانە دەرباز بت. دەمێ کوومبوون ل قوتابخانێ تێن ئەنجامدان،هەلبەت کوومبوونێن دەستپێکی ب بەشدارییا دایک و بابان ئوو دان و ستاندن و ڕاوێژكرن دگەل ماموستایێن قوتابی گەلەک یا گرنگە.
چێکرنا كەش وهەوایەکێ گونجایی و ئارام دناڤا مالێدا ژ بووی كوو زێدەتر فێر ببیت و ژ بیر نەکەت و مێشکێ وی زێدەتر وەڕبگریت،هاندانا قوتابی ژ بوو خواندن و تاقیکرنێ یان ژی تەمرین و مەشق و ڕاهێنانەكا زێدەتر، چاڤدێری کرن و هەلبژارتنا وان پروگرامێن داڕشتی ژ بوو قوتابی .
چاڤدێریکرن و گرنگی پێدانا لەش ساخی وبارێ دەرونیا قوتابی کوو دڤێت های ژ ساخلەمیا وی هەبت، وی هان بدەی کو دانپێدانێ ب خوە و ئەو باوەڕییا ب خوە هەی كوو بەلێ ئەز دکارم و دڤێت ژ تاقی كرنان ب سەرکەفتیانە دەرباز
ببم و دێ هەر دەربازیش بم. دیسان هاندانا قوتابی بوو وان ڕێکاران ئەوێن کوو دڤێت قوتابی ژ لایێ ڕەفتار و کڕدارێن دروست ئەنجام بدەت .
ئەو ڕێکارێن کوو هانێ مە بەحس کرین هەموو ئەو ڕێکارن ئەوێن کوو دایک و باب دکارن تێدا هاریکار بن دگەل قوتابی داکوو قوتابی بێ ترس و بێ سترێس و دل هەژاندن ئامادە بیت بوو ئەزمونان ئوو بکاربێت دێ تاقی کرنا ئەزمونان دا كوو ب سەر کەفتیانە ژێ دەرباز ببیت و بگەهیتە ئەنجامێن باش.
ل دوماهیكێ دیسان پێدڤیە ئاماژە ب هندێ بدەین کوو گرنگی و خوەماندی كرن و پشتەڤانی و ئامادەکاریێن دایک بابان ب تایبەت ئامادە بوونا وان ل قوتابخانێ و کوومبونێن دەستپێکی و دانوو ستاندنا وان دگەل ماموستایان گەلەک و گەلەک گرنگن و ب ڤی ڕەنگی هەم هاریکاریا قوتابخانێ تێتە کرن و هەم ژبوو ماموستا و هەم ژی ژ بوو قوتابی بخوە ژی خوویا دبیت کو دایک و بابێن وان گرنگیەکا ئێکجار ددەن قوتابخانە و ئەزموون و خویندنا قوتابی