٧٦ساڵ پێشە‌نگایە‌تیی نیشتمانی
هاودەنگ فاروق
پارتی دیموكراتی كوردســـتان، یادی ٧٦ ســـاڵەی دامەزرانی دەکاتەوە، هاوکات ســـاڵیادی پڕ سەروەریی لەدایکبوونی ســـەرۆک مەسعود بارزانییە؛ پارتی لە مێژووی خۆیدا چەندین قۆناغی گرنگی پڕ لە دەســـتكەوت و هەورازی بەردەڵانی بڕیـــوە؛ ئەو حزبەی كە بارزانی نەمر داینەمۆ و دامەزرێنەر و ئیلهابەخشـــیەتی، ئەمڕۆش لەســـەر دەستی ســـەرۆک بارزانی، كورد قۆناغی مەترسییەكانی لەناوچوون و سڕینەوەی ناسنامەی نەتەوەییی تێپەڕاندووە، قۆناغی هۆشیاری و ژیانەوەی هزری نەتەوەییشـــی بە لووتكە گەیاندووە، ڕیفراندۆمێكی سەركەوتووانەی پڕشانازیی بۆ سەربەخۆیی كردووە.
ئەرکی پارتی ڕۆژ بە ڕۆژ قورستر دەبێت، چونکە کورد لە قۆناغێكی نوێی خەباتی بنیادنانەوەی نەتەوەیی و ســـەرلەنوێ بیناكردنەوەی کەســـایەتیی كورد و بەهێزكردنـــی پایەكانی دەوڵەتی ســـەربەخۆدایە؛ یەكێك لە ئەركەكان، ئیشـــکردنە لەســـەر پڕۆژەی پەروەردەیەكی مەدرووس بۆ ڕیشەڵكێشـــكردنی كەلتووری نامۆی كۆڵۆنیالیســـتی داگیركاری لەســـەر فكر و فەرهەنگی تاكی كورد، بۆ ئەوەی ئینســـانی کورد بە كەلتووری ڕەســـەنی خۆیەوە پەروەرد بكرێت و لە ڕووی ئەقڵی سیاســـی و فكری و كۆمەڵایەتیشـــەوە پێش بخرێت؛ متمانە و بەخۆداپەرمیان و بڕوابەخۆبوونی كەسایەتیی ناسیۆنالیستیی خۆی بۆ بگێڕدرێتەوە.
ئەركێكی دیکەی پارتی ئیشـــكردنی زیاترە لەسەر پەروەردە و فێركردنی كادیرانی خۆی لەسەر بنەماكانی ڕێبازی بارزانی و پێشـــکەوتنەکانی سەردەم، كرانەوەی زیاتر و هەستی مرۆڤدۆستی و ئینتیما بۆ خاك و نیشـــتمان، هەروەها لەسەر دیسپلینی حزبایەتی و پابەندی و خزمەتكردن بە خاک و خەڵكی كوردســـتان و نزیكتربوونەوەی بەرپرســـان لە خەڵك و كادیر و ئەندامانی ئۆرگانەكانی خوارەوەی حزب و خۆگونجاندنی زیاتر لەگەڵ ســـەردەمی گەشـــەی كۆمەڵایەتی و پێشكەوتن و گلۆبالیزمدا.
هەروەک کوردســـتان لـــە پارتی دەخوازێ، پشـــوودرێژی و ســـەخاوەتێکی زیاتری هەبێت بۆ یەكڕیزیی كوردستانیان و ڕزگاركردنی كورد لە پەرتەوازەیی و دووبەرەكی؛ ڕوئیا و ستراتیژێكی دوورمەودای هەبێت بۆ داهاتووی كوردســـتان و پاراســـتنی ئاسایشی نەتەوەیی و، گرنگیدانی زیاتر بە دامودەزگای مۆدێرنی ئەمنی و ســـەربازی و سیســـتەمی نیشـــتمانی و پێشكەوتووی بەرگری.
پارتی، لە حەفتاوشەش ساڵ خەباتی خۆیدا سەلماندوویەتی کە پرسی نەتەوەیی و نیشتمانی، کۆڵەکـــەی بیروباوەڕەکەیەتـــی و، هەوڵیـــش دەدا بۆ دەســـتەبەرکردنی کیانێکی کوردی؛ لەو پێناوەشـــدا کەسایەتی و ڕۆڵە هەرە بەوەجەکانی خۆی پێشـــکەش کردووەتە بارەگای گەل و نیشتمان و، هەنگاوەکانی بەرەوە وەدیهێنانی خەونی شەهیدانی گەل پتەوتر و شێلگیرتر کردووە
و بەپشتیوانیی نیشتمانپەروەران تا گەیشتن بەو ئامانجە پیرۆزانە لەتێکۆشان ڕاناوەستێ.