بێستوون مسعود ساڵەیی
ئەمڕۆ کاتی ئەوەیە خۆمان کۆ بکەینەوە و پێکەوە سەنگەرەکانمان پتەو بکەین، هێزەکانمانڕێک و یەک بخەین و ناوماڵی خۆمان چاک بکەین و لەڕیزێکدا پێکەوە بوەستین، نە قەول و قەراری ئەم وڵات و ئەو وڵات بە کەڵکمان دێت، نە بەزەیی و جووڵە و سۆزی هەستی ئەم و ئەو، ئێمە پێویستەڕەنگ و دەنگی خۆمان بین.
ڕووداوەکان زۆر خێراتر و کاریگەرترن لەوەی گرەو لەسەر چیم دەوێ، چیت دەوێ، بەشی من و بەشی تۆ بکەین. هەموو ئەمانە با هەڵبگیرێت بۆ دواییەکڕیزی و چاکردنی نێوماڵی خۆمان.
سەرتاپای جیهان و بە تایبەتتر ناوچەکەی خۆمان لە کوڵاندایە، کوڵانک ڕۆژ لە دوای ڕۆژ گەرمتر دەبێت و بەرەو ساردبوونەوە ناچێت، هەڕەشەو پەلامارو داگیرکارییەکان زۆر خێران، هەر وڵاتەو چاوی بڕیوەتە خاکی دراوسێکەی، بۆ ئێمەی کورد چاوبڕینەکە تەنها لە خاکمان نیە بەڵکو هەوڵدانە بۆ پەرتەوازەکردن و لەناوبردنی هەرێمەکەمان و دواتر سڕینەوەان.
ئێمە تەنهاترین گەلی ناوچەکەین کە لە هەر لایەکەوە تینوون
بە گیانمان، لە چوار لاوە هەولی بچوک کردنەوەمان دەدەن و پێیان بکرێت دەمانخنکێنن، قەوارەی هەرێم بووەتە گرێی بەردەم دوژمنان و بە مەترسیێکی گەورەی خۆیان دەزانن.
پەکەکە مۆڵگە و حەشارگە دروست دەکات و دەستی سوپای تورک دەگرێ و چیا و دەشت و دۆڵمان پڕ لە سەربازی تورک دەکەن. لە ئێرانەوە هەرڕۆژەو بە بیانوویەک ئاگربارانمان دەکەن، ڕۆژێک بیانووی دیموکرات و کۆمەڵە، ڕۆژێک بە بیانووی مووسادەوە، ناوە ناوە بە قاچاخ خواردنی ئێکسپایەر و مادەی هۆشبەر ئاودیوی ئەم دیوی سنوورەکانمان دەکات.
عێراق پانتایی تەعریبی فراوانتر کردووە و بە هەزاران عەرەبی هاوردە نیشتەجێی ناوچە کوردستانییەکانی دەرەوەی ئیدارەی هەرێم دەکات، دادگای بەناو ئیتیحادی فێری دوژمنداریێکی قێزەون بووەو بەردەوامیەخەی هەرێم دەگرێت و لە دژمان بڕیاری شۆڤینیانە و سیاسیانە دەردەکات.
هەمووان یەکدەنگن بۆ لاواز کردن و لێکترازانی نێو ماڵی کوردی و پەکخستنی قەوارەی هەرێمی کوردستان، بڕیار و ئامانجەکانیان لەژێریەک ناودایەو تەنها ناوی وڵاتەکانیانە کە جیاوازە.
پێویستە بە ئاگاتر و ژیرانەتر مامەڵە لەگەڵیەکتردا بکەین، کاتی
ململانێی حزبی نیەو وا پێویست دەکات وەلایان بنێین، کاتی ڕق و کین و هەڵدانەوەی لاپەڕەکانی ڕابردووی یەکتر و سەنگەر لەیەکتر گرتن نیە.
سبەینێمان دەرەنگەبۆ بەخۆداچوونەوە، ئەمڕۆمان چاک نەکەین سبەینێمان لێ دەبێتە کێشە و دەگەین بە بومبەست، بۆ پاراستنی ئێستا و داهاتوومان تەنها یەکڕیزی و تەبایی نێوانمان سوود بەخشە، یەکڕیزی و تەبایی نێوان لایەنەکان و وەستان لەڕیزی نیشتیماندا ئایندەی وڵات و نەوەکان پارێزراو دەکات.
ئەم یەکڕیزیە دەتوانێ ببێتە چەکێکی بەهێز بۆ خۆپارێزیمان لە گرفتە
نیشتیمانیەکانمان، کوردستان وڵاتی هەمووانەو پاراستن و زامنکردنی ئایندەی وڵاتمان ئەرکی سەر شانی هەمووانە،،،
پێویستە ئیتر ئاوڕێک لە مێژووی پڕ کارەسات و نەهامەتی و بەدبەختی گەلەکەمان بدەینەوە، ڕوداوە شومەکان بهێنینە بەرچاومان و وانەی لێ وەربگرین، مێژوو پێمان دەڵێت ئەوەی لەڕابردوو بەسەرماندا هاتووە بەشی هەرە زۆری لە بوونی خاڵی لاوازی خۆمانەوە سەرچاوەی گرتووە کەئەویش ناتەبایی و دووبەرەکی لە نێو كماڵی خۆماندا بووە…
لە سایەی خەبات و شۆرش و قوربانیدان ئەزموونێکمان پێکهێنا و
حکومەت و پارلەمانی خۆمان هەیە و هەڵبژاردنی دیموکراسیانە دەبێت مەحەکی یەکتر قبوڵکردنمان بێت، گەلێکین ئازادی و دیموکراسی ڕاستەقینەمان لە ناوچەکەدا هێناوەتە کایەوە و ڕێز لە هەموو پێکهاتەو ئایین و ئایینزاکان گیراوە و پێکەوە ژیانی ئاشتیانە لە ناو هەموو پێکهاتەکانی کوردستاندا هەیە و هەرێمی کوردستان لەم بابەتدا جیاواز لە وڵاتانی ناوچەکە کاری لەسەر ئاشتی و پێکەوە ژیان کردووە و بە شانازیەکی گەورە بۆی لە قەڵەم دراوە.
ئەوەی ئێمە پێویستیمان پێی هەیە، قبوڵکردنی یەکتر و تەبایی و
کۆدەنگی و یەکهەڵوێستییە لە پێناو گەل و نیشتیمانەکەمان، کاتێک خاک و زمان و ئاین و کلتوور و پۆشاکمانیەک بێت، ئیتر بۆ دەبێ لەیەکدی تێنەگەین و تاکەی بەنیازین بۆ هەمیشە پەرتەوازە بین؟
دوژمن بە کلتووری جیاواز، زمانی جیاواز و مەزهەبی جیاواز هەموویان کۆکن لە دژایەتی کردنمان، یەک ئامانجیان هەیە کە کورد نەگات بە ئامانجی خۆی.. دەسا با ئێمەش ئامانجمان یەک خەین و لە پێناو کوردو ك وردستاندا تەبا و یەکڕیز بین.