هاودەنگ فاروق
مانەوەی پەکەکە لە سەر خاکی هەرێمی کوردستاندا مەترسییە بۆ سەر قەوارەی سیاسی هەرێم و ئاسایشی نەتەوەیی کوردســـتان.. پەكەكە بە كردەوەکانی مێژووی خۆی ســـەلماندویەتی كە لە هەموو بەشەكانی دیكەی كوردستاندا دژی بەرژەوەندییە نەتەوایەتییەكانی كوردە؛ ئەوەشی نەشاردووەتەوە كە بیری كوردایەتی و دەوڵەتی كوردی پێ دواكەوتوویی و مەترسییەكی گەورەیە بۆ سەر ستراتیژی خۆی و، بەرەنگاری دەبێتەوە.
هەرێمی کوردســـتان چیتر پەکەکە لەســـەر خاکی خۆی قبووڵ ناکات، نابێ هێزێکی بێگانەی چەكدار لە سەر خاكی هەرێمدا هەبێت و ئاســـایش و ئایندەی بخاتە مەترســـییەوە؛ بۆیە هێزی چەكداری پەكەكە، پێویســـتە خاکی هەرێمی کوردســـتان بە شنگالیشەوە چۆڵ بکات؛ مانەوەی پەکەکە، مەترسیییەکی گەورەیە بۆ سەر ئاسایشی ئابووری و وزە و سنوورەکانی جوگرافیای هەرێمی کوردستان، لەم جەنگەی نێوان پەکەکە و تورکیایش، تاکە زەرەرمەندی یەکەم هەرێمی کوردســـتانە، ژێرخانی وزەی کوردســـتان دەکەویتە بەر هەڕەشە؛ وەک: تەقاندنەوەی لوولەنەوت و لێدانی نەوتەڵانەکان
(کێڵگە نەوتییەکان)ی کوردستان.
ئەگـــەر لە بازنەی فكر و ئەدەبیاتی سیاســـەتی ئەو حزبە بچینە دەرێ، تاكە بیانوویـــەك بۆ مانەوەیان لە هەرێمی كوردســـتان، ئەوەیـــە كـــە وەك هێزێكی پەنابـــەر ڕەفتاریان لەگەڵدا بكرێت. لەو حاڵەتەشـــدا هەرێم ناچارە یاســـا و پرۆتۆكۆلەكانی تایبەت بە پەنابەران كە لە جیهاندا پێڕەوییان لێ دەكرێت، لەسەر پەكەكە جێبەجێ بكات.
لەم گۆشـــەیەوە، دەبێ ســـەیری یاساو ڕێككەوتنە جیهانییەكان بكەین و ڕەچاوی پەیوەندی و پرۆتۆكۆلی هاوبەشی نێوان دراوسێكان بكرێت. بەم پێودانگەش بێت، لە هیچ ڕێككەوتننامەیەكی دووقۆڵی و نێودەوڵەتیدا شەرعیەت بۆ ئەوە نادۆزرێتەوە كە گرووپێكی پەنابەر ددان بە دەستەڵاتە نیشتمانییەکەی وڵاتی خانەخوێیدا نەنێت، وەک هێزێکی چەکدار و خۆســـەپێن بجووڵێنەوە و، لایەکی نیشـــتمانت لێ داگیر بکەن، یان كێشـــەی ئەمنی لەسەر سنوورەكان بنێتەوە. بە
هەموو ئەم لۆژیك و ڕێكارە یاسایی و فكری و سیاسییە نەریتیانە، دەڵێین: با پەكەكە لە كوردستان بچێتە دەرەوە!