رەوشەنبیریا خێزانی ئەرکێ هەموو سازیانە

رێژین نهێلی

خێزان ئێک ژ جهێن ئارامگەه و ڤیان و ژیانکرنەکا بێ مەترسی و ئێکگرتیە و نێزیکترین روحن بهەڤرا گرێدایی ژبو ژیانکرنکرنێ . ئەڤجا ژ زەلامی بو ژنی و ژ ژنێ بو زەلامی و ژ ھەردوویان بەرەف زاروویان.
لێ ئەڤ روحیەتە دێ چاوا یا تەمام و ساخلەم بیت ئەگەر وەک پێتڤی دئاستەکێ رەوشەنبیری دا نەبن دناف وێ کومەلگەھا ئەو لێ دژین ؟
بێ گومان ل ڤێرێ بەرپرساتیا ئێکێ ژبو ھەڤژینان دزڤریت و یادوێ ژبو رێڤەبەری و رێکخراوێن جڤاکێ مەدەنی و پەیامێن لسەر مینبەرێن راگەھاندن و زانایێن ئایینی و پەروەردەیی دمینیت .
ژلایەکێ دی پێتڤی یە د ھەر پرس و بابەتەکێ دا ب مێیانە سەرەدەریێ دگەل بابەتان نەھێتەکرن و تەنها رەگەزەکێ دەست نیشانکری ل وان روینشتن و خول و سمینارا
نەبیت. دا بشێن بگەھنە ئەنجامەکێ باش .
ژبەرکۆ ھەر توندو تیژیەکا دروست دبیت ژن و زەلام و زارووک قوربانیێ بو ددەن، دبیت زووربەیا جاران دجڤاکێ مەدا قوربانیا ھەرە زوور بەر ب ئافرەتێ بکەڤیت ئەوژی ژ ئەنجامی نەتێگەھشتنەکا دروست و نە رەوشەنبیرکرنا مە لسەر مافان وەک مرووڤ .
ژبەر ڤێ ژی ھەردەم دێ بێژین د ژیانێ دا مروڤبون بەری ھەرتشتی دھێت، ئەگەر مە بنەمایێن رەفتارکرنا دروست بو سەرەدەریا مروڤی بجهئینان ل وی دەمی دێ زانین کا توندوتیژی ل کیڤە و پتر دگەل کیش رەگەزی ھەیە و ل رێکێن چارەسەریا دروست بینین و چارەکەین .
چونکە ئەگەر مە بەس بەحس ل توندو تیژیا ل دژی ئافرەتێ ژی کر واتا ئەو توندوتیژی یا بەرامبەر کومەلگەھەکێ و مروڤی و جیهانێ بگشتی یا دھێتەکرن ئەم پشتگوه دئێخین.
ئەڤجا ژ ب ئێشانا جەستەیی بیت یان ب شێوازێن نەخوەشیێن دەروونی دیارببیت .
لەوما پێتڤی یە دگەل ئەف پشتەڤانیا لڤی سەردەمی ژلایێ حکومەت و سازیێن وێ و رێکخراوێن مەدەنی ل پرس و مافێ ئافرەتێ ب تایبەت و خێزانێ بگشتی دھێتەکرن پتر لێبهێت و ب سیستەمەکێ ئاشتی خواز بو بدەستڤەئینانا مروڤەکێ ساخلەم دژی توندوتیژیێ پتر خوە
ماندی بكەین.