كورد وەك داگیركەر

مەشخەڵ كەوڵۆسی

هەمیشە كاتێ كوردێك لەهەر پلەو پۆستێدا بێت، سەبارەت بە كورد و كێشەكانی و فەزیلەتەكانی دەدوێت،یەكەم پنت كە كاری لەسەر دەكات و ڕێكلامی بۆ دەكات، ئەوەیە كە دەڵێت: كورد هەرگیز داگیركەر نەبووە!.
ئەمڕستەیە وەك هەر مەسەلەیەكی تر چەند ئەنگڵ و گۆشە و مانایەكی هەیە. ئەكرێ لەڕوویەكەوە ئاماژەیەكی ئەرێنی بێت، بەڵام لەچەندینڕووی ترەوە، ئاماژەیەكی تەواو نێگەتیڤ بێت.
هەرچی مانای پۆزەتیڤی ئەمڕستەیە، ئەگەر وەك شاعیرێك و ئەهلی عیرفان سەیر بكەین، ئەوەیە كە كورد وەك كائینێكی بەریئو ستەملێكراو پیشان بدات. بەدرێژایی مێژوو هیچ دەستدرێژییەكی نەكردۆتە سەر خاك و سەروەری و كەرامەتی هیچ میڵەتێكی تر. بەڵام ئەگەر وەك كە سیاسییەك و پیاوی دەوڵەت سەیر بكەین، ئەوڕستەیە
تەواو نێگەتیڤە، چونكە نیشانەی ئەوەیە كە كورد هەرگیز خاوەنی دەوڵەت و هێز نەبووە، ئەگینا دەوڵەت و داگیركاری وەكاربردنی هێز، چەندڕاستییەكی پێكداچوون و لێكدانابڕێن.
هیچ دەوڵەتێك بەبێ داگیركاری لەمێژوودا نابینرێت، تۆ دەوڵەتت نەبووە بۆیە نەتتوانیوە خاكی میڵەتانی تر داگیربكەیت.
ئەوە ئەوڕاستییەیە كە لە چێشتخانەی سیاسییەكاندا لەڕستەكەی پێشوو بەرهەمدەهێنرێت.
لەمێژووی هاوچەرخی كورددا دەوڵەتی نەبووە و نەیتوانیوە خاكی ئەوانیتر داگیربكات، ئەگینا ئەوە لە مەرحەمەتی كورد نەبووە!
هەر میڵەتێك كە خاوەنی دەوڵەت و هێزبێت، لەقۆناغێكی مێژوویدا بیر لەوە دەكاتەوە زیادە هێزی خۆی تەوزیف بكات لەدەرەوەی سنورەكانی، ئەگەرچی پێشتر ئەو میڵەتە لەڕیزی هەرە چەوسێنراوەكانی مێژوودا بووبێت، وەك ئەوەی ئیستا دەیبینین، جووەكان لەدوای دەربازبوونیان لە هۆلۆكۆست و دامەزراندنی دەوڵەت، ئیستا بیر لەوە دەكەنەوە لە نێجریا و قەوقازیش جێپێی خۆیان بكەنەوە. دەمەوێت بڵێم: داگیركاری نیشانەی هێزە، بەڵام هێزی دەوڵەتیی، نەك هێزی دەرەوەی دەوڵەت، كە بەربەریەتێكی ناشرین دروست دەكات. داگیركاری دەوڵەتی بزاڤی ئیستیعماری پلانداری لێ دروست دەبێت، بەڵام داگیركاری دەرەوەی دەوڵەت،
شەپۆلێكی بەربەری و ئاناریشیستی لێ دروست دەبێت. لەڕاستیدا كورد لەمێژووی ناوەڕاست و هاوچەرخی خۆیدا، دەوڵەتی نەبووە تاكو بتوانێت پرۆسەی داگیركاری جێبەجێ بكات، هەر بۆیە ئەوڕستەیە لای بابایەكی سیاسی، نیشانەی بێ هێزی تۆیە نەك نیشانەی ئەوەبێت كە تۆ زۆر مرۆڤ دۆست و بێگوناهیت!.
لەو مانا دەوڵەتییە بترازێت كە بەندەڕێگە بەخۆم ئەدەم لەبری داگیركاری بە “بەكاربردنی هێز” ناوی بێنم، ئیدی هەرجۆرە داگیركارییەكی تری ناهەوسەنگ و ئاناریشیستانە، بەتەواوی دیاردەیەكی ناشارستانی و جێگەی مەترسییە.
كۆچبەرانی سەرسنورەكانی بیلاڕوس و پۆڵەندا، بەدوو جوڵەی سەیر و بەرنامەدار، پەیامێكی نێگەتیڤ و مەترسیداریان دابە ئەورووپییەكان:
۱-نوێژی بەكۆمەڵ كە ئاماژەیە بۆ ژیاندنەوەی ئیسلامۆفۆبیا و مەترسی هەڵكشانی سەوز لەسەر سنورەكانی پۆڵەنداویەكێتیی ئەورووپای زۆرینەی مەسیحی كەخاوەنییادەرەوری باش نیە لەگەڵ تێكگیرانی دینیدا و بەهەموو شێوەیەك هەوڵ ئەدات لێی دوور بكەوێتەوە.
۲-هێرشكردنە سەر پاسەوانی سنورەكانی پۆڵەندا، ئەو پەیامەی دا بە
ئەورووپاییەكان كە ئەوەی لەسەر سنور دەگوزەرێت، جۆرێك لە ئیرهابی دەوڵەت و ساغكردنەوەی حساباتی جیۆسیاسییە لەبەرگی كۆچبەرانی مەدەنی و دۆسییەیەكی مرۆییدا.
هەموو كۆچبەرەكان لەسەر سنور كورد نین،ڕاستە كوردیشیان تێدایە، بەڵام ئەوەی مایەی نیگەرانییە، ئەوەیە میدیای كوردی بەزۆری زۆرداری هەوڵ ئەدات هەموویان بەكورد بناسێنێت، لەدوای ئەو دوو جوڵەیەی پەنابەرەكان، ئیدی هەمووسینگاڵەكانی ئەوڕووداوانە بۆ ئەورووپاییەكانمایەی مەترسیین.
ئەگەر كورد وەك گەلێكی موسالیم ناسرابێت، ئیستا ناكرێت چەند هەزار كۆچبەرێك ئەو پەیامە بدەنە ئەورووپا كەكورد لەسەر سنورەكانتان مەترسی ئیسلامۆفۆبیا زیندوو دەكاتەوە، هێرش دەكاتە سەر پاسەوانە سنورییەكان و هێزەیاساییەكانتان و دەیەوێت وەك داگیركەرێكی فەوزەوی بێتە وڵاتەكەتانەوەو لێشاوێك لە خەڵك بێنێتە سەرتان كە فەرهەنگ و دیموگرافیا و ئابووریتان تێكدەدات.
ئێمە دەبێت لەم پرسەدا زۆر وریا بین، كورد وەك داگیركەر و بەشێك لە
مەترسی ئیسلامۆفۆبیا و ساغكەرەوەی شەڕی فلادیمێر پۆتین پیشان نەدەین.
لەئیستاوە ئەو تەوسیفە بوەستێنین كە لەهەموو كەناڵەكانەوەدەگوترێت