ب كوچا گەنجا دێ ھێزا كاری ل وەلاتی لاواز بیت

شەیما مستەفا

گەنج بنیاد دانەرێ هەر مڵەتەکی و وەلاتەکییە و کاریگەرە د رێڤەبرنا ژیانا نوکە و پاشەروژێدا و هەروەسا خودان ڕولەکێ کاریگەرە د پێشکەفتن و وەرارا جڤاکیدا د سەرجەم بواراندا وەك ئاڤەدانی و ئابووری و سیاسی و کومەلایەتی و ژیانا سەردەمانە و پێشکەفتن هەمی د دەستێن گەنجان دایە.
گومان د وێ چەندێدا نینە کو ژ بەری سەردەمێ نوکە ئەم تێدا دژین، گەنجێ کورد خودان هەلویست و بریار بوویە و شیانێن مەزن و ژ هەژی هەبووینە و د گەلەك بوارێن جوداجودادا شارەزایی هەبوویە و هەروەسا کاریگەر بوویە د رێڤەبرنا وەلاتێ خوەدا و ئەگەر ئەم بەرێ خوە بدەین ڤان هەیڤێن دویماهیێ دێ بینین کو هژمارەکا بەرچاڤ ژ گەنجان کوچ دکەن بۆ وەلاتێن دی و ژ ڤی وەلاتی کوچ دکن، نەبوونا ژیانەکا سەردەمانە و نە دابینکرنا پێتڤیێن گەنجان ئەگەرێن دیارێن ڤێ کوچکرنێ نە بو دەرڤەی وەلاتی و وسا هزر دکەن ل ژیانەکا باشتر دگەڕهندا کو بشێن پێتڤیێن خوە دابین بکەن و ژیانا خوە گەرەنتی بکەن ژ لایێ ئابووری و جڤاکی ڤە، و هەلبەت ئەڤ کۆچکرنە دێ بت ئەگەرێ گەلەك نەرێنیا و کاریگەریی دێ ل سەر پاشەروژی هەبت و سیستەمێ جڤاکی دێ لاواز بت و هێزا کاری ژی لاواز دبت لگەل ڤێ چەندێ، ژ بەر کو گەنج د دەمێ کارکرنێدا وەلاتی بجه
دهێلن و هێزا کاری ل وەلاتی لاواز دبت .