شاندێکی حکوومەتی هەرێمی کوردستان بە سەرۆکایەتی ڕێبەر ئەحمەد، وەزیری ناوخۆ، بە سەردانێکی فەرمی گەیشتە ڤییەننای پایتەختی نەمسا.
بڕیارە شاندی حکوومەتی هەرێمی کوردستان زنجیرەیەک کۆبوونەوەی گرنگ لەگەڵ بەرپرسانی باڵای نەمسا ئەنجام بدات، کە یەکەمیان لەگەڵ وەزیری ناوخۆی ئەو وڵاتە دەبێت.
تەوەری سەرەکی گفتوگۆکان چڕدەبێتەوە سەر بەهێزکردنی هەماهەنگییە دووقۆڵییەکان لە بوارە جیاجیاکاندا، ئەم سەردانە جیاواز لە دیدارەکانی دیکە، بە واژۆکردنی ڕێککەوتننامەیەک کۆتایی دێت کە هەموو ئەو بابەتانەی قسەیان لەسەر دەکرێت، دەبنە کردار و لە داهاتوودا دەچنە بواری جێبەجێکردنەوە.