بەڕێوەبەرایەتیی هاتوچۆی هەولێر لە ڕاگەیاندراوێکدا ئاشکرای کرد، ئەمشەو ئاراستەی “چوون” لە تونێلی میراوە بەڕووی شۆفێراندا دادەخرێت.
سەبارەت بە هۆکاری داخستنەکە، هاتوچۆی هەولێر ڕوونی کردووەتەوە کە بە مەبەستی ئەنجامدانی کاری نۆژەنکردنەوە و دانانی سیستەمی ڕووناکی و ئامێری هەواگۆڕکێیە لەناو تونێلەکەدا.
لە ڕاگەیاندراوەکەدا ئاماژە بەوەش دراوە، شۆفێران دەتوانن ئاراستەکەی دیکە بۆ هاتوچۆی هەردوو دیو (چوون و گەڕانەوە) بەکاربهێنن، تا ئەو کاتەی کارەکان لە تونێلەکەدا تەواو دەبن.