بەڕێوەبەری گشتیی شارەوانییەکانی دهۆک ڕایگەیاند، ئەمڕۆ لە چوارچێوەی قۆناغی چوارەمی دابەشکردنی زەویدا، نزیکەی 1400 پارچە زەوی دابەش دەکرێن.
ئەندازیار دیار بەحری، بەڕێوەبەری گشتیی شارەوانییەکانی دهۆک ڕایگەیاند: بڕیارە کاتژمێر 10:00ـی بەیانیی ئەمڕۆ لە دیوانی پارێزگای دهۆک، قۆناغی چوارەمی دابەشکردنی زەوی بەڕێوە بچێت.
ئاماژەی بەوەش دا کە لەم قۆناغەدا نزیکەی 1400 پارچە زەوی بەسەر فەرمانبەران و سوودمەنداندا دابەش دەکرێن.
بەڕێوەبەری گشتیی شارەوانییەکان ڕوونیشی کردەوە، هەر ئەمڕۆ لەوبارەیەوە عەلی تەتەر، پارێزگاری دهۆک کۆنگرەیەکی ڕۆژنامەوانی ساز دەکات و تێیدا وردەکاریی پڕۆسەکە بۆ ڕای گشتی دەخاتە ڕوو.