دوای ئەوەی کەشناسی پێشبینی هاتنی شەپۆلێکی بەهێزی بارانبارینی بۆ ناوچەکە کردووە، ئەمڕۆ سڵێمان محەمەد سەعید، قایمقامی قەزای دەربەندیخان سەرپەرشتی کۆبوونەوەیەکی فراوانی کرد لەگەڵ بەڕێوەبەری دەزگا ئەمنییەکان و فەرمانگە خزمەتگوزارییەکان.
لە کۆبوونەوەکەدا بڕیاردرا بە پێکهێنانی “ژووری ئۆپەراسیۆن” بۆ رووبەڕووبوونەوەی هەر حاڵەتێکی نەخوازراو و لافاو، هاوکات تەواوی تیمە فریاگوزارییەکان و لیژنە هاوبەشەکان بۆ خزمەتکردنی هاووڵاتییان خرانە حاڵەتی ئامادەباشییەوە.
قایمقامیەتی دەربەندیخان بڕیارێکی توندی دەرکردووە سەبارەت بەو ماڵ و شوێنانەی کەرەستەی بیناسازی (لم، چەو، بەرد)یان خستووەتە سەر شەقام و کۆڵانەکان. داوا دەکرێت بەزووترین کات لایببەن، بەپێچەوانەوە:
١. ڕووبەڕووی ڕێکاری یاسایی دەبنەوە.
٢. لەلایەن لیژنەکانی زیادەڕۆوە کەرەستەکان بار دەکرێن.
٣. تێچووی گواستنەوە و لابردنەکە لە ئەستۆی خاوەنەکەی دەبێت.
قایمقامیەت داوا لە هاووڵاتییان دەکات لەکاتی هەر ڕووداو و پێویستییەکدا، پەیوەندی بەم ژمارانەوە بکەن کە 24 کاتژمێر لەسەر هێڵ دەبن:
🔹 قایمقام: 07725107580
🔹 شارەوانی: 07701953653
🔹 ئاسایش: 07700411071
🔹 پۆلیس: 07719707599
🔹 کارەبا: 07711579617
🔹 بەرگری شارستانی: 07703618710
🔹 کۆمپانیای ئۆرانۆس (پاککردنەوە): 07731718154