ل رۆژێن ٦_٥/١٠/٢٠٢٥ـێ ل باژێڕێ دهۆکێ ل هۆلا کۆنفرانسان ل زانکۆیا دهۆک، سێیەمین فێستیڤالا خانی یا ڕۆشەنبیری، ل ژێر درووشمێ (کوردستان و ڕاگەهاندنا سەردەم) ب رێڤە چوو، د ڤێ فێستیڤالێ دا (5) پەنەل ب پشکداریا (١٦) پەنەلیستان و ب ئامادەبوونا هەژمارەکا زۆڕ ژ ڕاگەهاندکار و ڕۆشنبیر و سیاسەتمەداران ژ هەر چار پارچەیێن کوردستانێ و ل دۆر بابەتێن جۆڕاوجۆڕ ل سەر پەیاما ڕاگەهاندنێ و ئاستەنگێن ل هەمبەری وێ و هشیاریا نەتەوەیی و سۆشیال میدیایێ و ژیریا دەسکرد هاتنە پێشکێشکرن.
ل سێیەمین ڤێستیڤالا خانی یا ڕۆشەنبیری، لژنەک بۆ دویڤچوون و کۆمکرنا راسپاردەیان هاتە پێک ئینان چەندین راسپاردە هاتنە کۆمکرن، ئەو راسپاردە بوون یێن کو ژلایێ پەنەلیست و مێڤان و پشکدار و ئامادەبوویان و ئەو راسپاردەیێن ب رێیا QR و راپرسیا ناڤەندێ هاتینە پێشکێشکرن، پشتی هاتینە خواندن ژلایێ لژنا راسپاردەیان ڤە هەمی سەرنج و تێبینیێن مێڤان و بەرهەڤبوویان ل بەرچاڤ هاتنە وەرگرتن، ئەڤێن ل خوارێ پوختێ راسپاردەیانە:
ئێک: حکوومەتا هەرێما کوردستانێ ب فەرمی و ل سەر ئاستەکێ بلند گرنگیێ ب زمانێ کوردی و نڤیسینا کوردی بدەت، هەماهەنگیەکا باش د ناڤبەرا دەزگەهێن راگەهاندنێ و یێن حکوومەتێ دا هەبیت، و دروستكرنا دهزگهههكێ راگههاندنێ یێ تایبەت ب حكوومەتا هەرێما کوردستانێ ڤە.
دوو: پێكئینانا جڤاتا بلندا نشتیمانی یا میدیایی بۆ دهزگههێن راگههاندنێ و سالانه كۆنفرانسهك بهێته سازكرن بۆ ڕێڤەبەر یان ههمی دهزگههێن راگههاندنێ و ستراتیژییهكا دوور و نێزیك بۆ بهێته دارێشتن.
سێ: پتر گرنگی ب ناڤەرۆکا یاسا رۆژنامەڤانی ل هەرێما کوردستانێ بهێتەدان و یاسا هەژمارە (35) یا سالا 2007ێ بهێتە ڕاستڤهكرن(هەموارکرن)، داكو ههمی بیاڤێن رۆژنامەڤانی و میدیایی(كلاسیك، نوی) ب خوە ڤه بگریت.
چار: دڤێت سهرهدهریا میدیایی ل گهل جڤاكی بچیته دخانهكا ئهكادیمی – زانستی دا، داكو ئاسایشا هزری دناڤ جڤاكی دا بهێته بجهئینان، لهورا دهزگههێن میدیایی پێدڤی ب شیرهتكارێن دهرووناسی و كۆمهلناسیێنە، داكو ڕێك ل وان پهیامان بهێتهگرتن یێن دبنه ئهگهرێ تێكدانا ئاساییشا هزری و ئهخلاقێ گشتی ل ناڤ جڤاکی.
پێنج: راگەهاندنا کوردی یا (نڤیسکی، گوهلێبووی، دیتی) ب شێوەکێ فەرمی بهێنە پابەندکرن، ب زمان و رێنڤسیا کوردی، نەکو ئەو پاشڤەمان و وێرانیا نوکە د میدیا کوردی دا هەی.
شەش: رهنگڤهدانا گۆتارا نهتهوهیی د میدیایێ دا ههبیت، میدیا گرنگییێ ب زمان و كهلتۆرێ كوردی بدهت، گەلەک یا گرنگە هەردو دیالیکتێن کرمانجیا سەری و یا خوارێ کو د میدیایێ دا دهێنە بکارئینان ژ ئێکدو نێزیک بکەنەڤە.
حەفت: گرنگیەکا پتر ب دهزگههێن ڕاگههاندنێ و ب تایبەت پلاتفورمێن سۆشیال میدیایێ و (AI) بهێتەدان، ب رەنگەکی کو خزمەتا پەیام و زمانێ كوردی بكەت، بۆ دروستکرنا (AI) یەکا کوردی و گرنگیەکا پتر بدەنە ژێریا دەستکرد و رۆشنبیریا بکارئینانا وێ یا دروست د ناڤ جەماوەری دا بەلاڤ بکەن.
هەشت: دروستکرنا خەلاتێ خانی یێ سالانە بۆ چەند کەسێن ئافراندکار د بیاڤێ ڕۆشنبیری و جودا جودا دا بهێتە پێشکێشکرن..
نەهـ: پێدڤیە پتر ڕۆلی د هەمی بیاڤێن ڕۆشنبیری و میدیایی دا بدەنە گەنج و ئافرەتا کوردستانێ و پشکداریەکا کاریگەرتر د ناڤ فیستەڤالێ دا هەبیت، وەک (پەنەلیست، ڕێڤەبەریا پەنەلان) هەروەسا بەرهەڤبوون ل ناڤ چالاکیان، هندەک برگە هەبن گرێدای گەنجان بن، گەنج حەز دکەت گوهداریا گەنجی بکەت و ژ گەنجی فێر بیت.
دەهـ: گرنگە کاری ل سەر میدیا سەردەم بکەین و خوە ل گەل ئەڤرۆ بگونجینین، دا بشێین ڕاگەهاندنەکا باش پێشکێش بکەین، ژ بەر کو خەلکی پێدڤی ب میدیایەکا راستگۆ و بلەز و خودان پەیام هەیە.
یازدە: بزاڤێ بکەین مە ئێک گۆتارا سیاسی نشتیمانی هەبیت و دگەل دەمی بچین و تشتێ باش، د ناڤ راگەهاندنێ دا زێدە بکەین و گرنگە مە چارەسەری بۆ داهاتی هەبن.
دوازدە: دڤێت ژ لایێ یاسایی ڤە رێکخستنەک ژ لایێ میدیایێ دا بێتەکرن و تێگەهێن وێ باشتر بێنە خویاکرن.
سێزدە: زێدەكرنا برگەیا دناڤا ڤێستیڤالێ دا یێن هونەری (پێشانگەها شێوەكاری و فۆتۆگرافی، نیشادانا جلکێن کوردی یێن دەڤەرێن جوداجودا، دەهواتا کوردی، نماییشا خوارن و کەلوپەلێن فۆلکلۆری، نماییشکرنا کورتە فلمەکێ سینەمایی، پێشانگەها پەرتووک، بەریکانەکا ئەدەبی، ئو هتد).
چاردە: پێدڤیە فێستیڤالێ ئارمانج و پەیامەکا رۆهنتر هەبت، سالانە فێستیڤالا خانی ل دەم جهێن خوە برێڤە بچت و هەر جارەکێ بابەتەکێ دیار بهێتە تەرخانکرن، پێدڤیە لژنەیێن فیستەڤالێ د بسپۆر بن و ئەندامێن وان خودان شیان و سەربۆر بن هەروەسا بکارئینانا تەکنەلۆژیا سەردەم (داتاشۆ، پاوەرپۆینت، ئو هتد) بۆ نیشادانا بابەتێن پەنەلێن فێستیڤالێ.
سێیەمین ڤیستەڤالا خانی یا روشەنبیری
٥-٦ ئوکتوبەرا ٢٠٢٥