نيوهڕۆى ئهمڕۆ دووشهممه 13ی تشرینی یهكهم، نێچيرڤان بارزانى، سهرۆكى ههرێمى كوردستان، پێشوازيى له ئيرفان سديق، باڵيۆزى بهريتانيا له عێراق كرد.
له ديدارێكدا، جهختيان له برهودان به پهيوهندييهكانى بهريتانيا لهگهڵ عێراق و ههرێمى كوردستان له ههموو بوارهكاندا كردهوه.
ههروهها دهربارهى دۆخى گشتيى عێراق و ههرێمى كوردستان، پهيوهندييهكانى ههولێر ـ بهغدا، ههوڵهكانى پێكهێنانى كابينهى نوێى حكوومهتى ههرێمى كوردستان و ههڵبژاردنى داهاتووى ئهنجوومهنى نوێنهرانى عێراق، بيروڕايان گۆڕييهوه.
پهيوهندييهكانى عێراق و ههرێمى كوردستان لهگهڵ وڵاتانى دراوسێ و ناوچهكه، تهوهرێكى ديكهى ديدارهكه بوو.
لهمبارهيهوه باس له دوايين سهردانى نێچيرڤان بارزانى بۆ توركيا و دوايين پێشهاتهكانى پرۆسهى ئاشتى لهو وڵاته كرا.
لای خۆیهوه، باڵيۆزى بهريتانيا ستايشى ههوڵهكانى سهرۆكى ههرێمى كوردستانى بۆ كردنهوهى ئاسمانى توركيا به رووى گهشته ئاسمانييهكاندا بۆ سلێمانى كرد.
پێشهاتهكان و دۆخى كورد و پێكهاتهكان له سووريا و رهوشى رۆژههڵاتى ناوهڕاست بهگشتى، لايهنێكى ديدكهى ديدارهكهی سهرۆكی ههرێمی كوردستان و كونسوڵى گشتيى بهريتانيا بوو.