بەڕێوەبەرایەتی گشتیی کەشناسیی و بوومەلەرزەزانی هەرێمی کوردستان، کەشى پێشبینیکراوى 48 کاتژمێرى داهاتووی بڵاوکردەوە و ڕایگەیاند، پلەکانی گەرما بەرز دەبنەوە.
کەشناسیی هەرێم ڕایگەیاند، پێشبینی دەکرێت کەشی ئەمڕۆ شەممە، 12-7-2025، ئاسمان ساماڵ و گەرم بێت، لەگەڵ هەندێ پەڵە هەوری جیا جیا، هەروەها پلەکانی گەرما 1 تا 2 پلەی سیلیزی بە بەراورد بە تۆمارکراوەکانی دوێنێ بەرز دەبنەوە.
ئاماژەی بەوەش داوە، پێشبینی دەکرێت، کەشی سبەینێ یەکشەممە، 13-7-2025، ئاسمان ساماڵ و گەرم بێت، لە کاتەکانی شەودا دەگۆڕێت بۆ نیمچە هەور و هەوری تەواو، پلەکانی گەرماش نزیک دەبنەوە لە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی
هەولێر : 47 پلەی سیلیزی
سلێمانی : 45 پلەی سیلیزی
دهۆک : 46 پلەی سیلیزی
کەرکوک : 48 پلەی سیلیزی
زاخۆ : 46 پلەی سیلیزی
هەڵەبجە : 46 پلەی سیلیزی
سۆران : 45 پلەی سیلیزی
حاجی ئۆمەران : 33 پلەی سیلیزی
گەرمیان : 49 پلەی سیلیزی